काभ्रे पाँचखालका सुबास बोलाखे अस्ट्रेलियामा ९ दिनदेखि बेपत्ता, खोजिदिन परिवारको अनुरोध

पाँचखाल नगरपालिकाका सुबास बोलाखे अस्ट्रेलियामा ९ दिनदेखि बेपत्ता भएका छन् ।

२८ वर्षीय बोलाखे अस्ट्रेलियाको बेक्सले भन्ने शहरबाट हराएका हुन् । सुबासका दाई सुरेन्द्र बोलाखेका अनुसार उनी २०८० सालको दशैंछेका अस्ट्रेलिया प्रस्थान गरेका थिए । भाईको खोजीका लागि अस्ट्रेलियामा रहेका नेपालीहरुलाई समेत अनुरोध गरेको सुरेन्द्रले मिलिजुली खबरलाई बताउनुभयो ।

पाँचखाल नगरपालिका वडा नम्बर ७ घर भएका सुबास अघिल्लो हप्ताको शनिबार अर्थात जुलाई २७ तारिखसम्म परिवारको सम्पर्कमा थिए । त्यसपछि एकाएक सम्पर्क बिहीन भएको बताइएको छ । सुवासको परिवारले अस्ट्रेलियाको बेक्सले, कोगारह, बल्मैन, सिड्नी लगायत अस्ट्रेलियाको कुनै पनि स्थानमा देख्नु हुने नेपाली तथा बिदेशीसँग त्यहाँ प्रहरी स्टेशनमा खबर गरिदिन अनुरोध गरेको छ ।

सुबास हराएपछि त्यहाँको प्रहरीमा समेत रिपोर्ट गरिएको छ । त्यहाँको प्रहरीमा अगष्ट २ तारिखमा सुबास हराएको बारे रिपोर्ट परेको हो । सुबासलाई देखे वा भेटेमा अस्ट्रेलियामा 1800333000 नम्बर, नेपालका लागि राजिब बोलाखे 9843771950 र सुरेन्द्र बोलाखे 9841103421 को मोबाइल सम्पर्कमा सम्पर्क गर्न सकिनेछ ।