काभ्रे पाँचखाल वडा न ०७ को स्थानीय युवाहरुद्वारा आयोजन हुन् गइरहेको आयोजित नगर स्तरीय “खुल्ला कप” नकआउट फुटबल प्रतियोगिता २०८१ कार्तिक ९ गते शुक्रबार बाट भव्यका साथ उद्घाटन हुने भएको छ ।
जसमा पाँचखाल नगरका १३ वडाहरुका विभिन्न क्लबहरूबिच प्रतिस्पर्धा हुनेछ। प्रतियोगिताले स्थानीय युवामा खेलकुदको महत्त्व बढाउन र फुटबल प्रतिभाहरूलाई अवसर प्रदान गर्ने उद्देश्य राखेको छ।
पाँचखालको वडा नं ०७ स्थित भाइराल पलाटिंगको खेलमैदानमा कार्तिक ९ गते शुक्रबार बाट कार्तिक १५ गतेसम्म फुटबल प्रतियोगिता हुनेछ ।
प्रतियोगितामा सहभागी हुने क्लबहरूले आकर्षक पुरस्कारका लागि प्रतिस्पर्धा गर्नेछन्। प्रथम पुरस्कार ५० हजार सहित शिल्ड, मेडल तथा प्रमाणपत्र रहेको छ । त्यस्तै दोस्रो पुरस्कार २० हजार सहित शिल्ड, मेडल तथा प्रमाणपत्र पाउनेछन्।
प्रतियोगिता हरेक वर्ष आयोजना गरिने र यसले स्थानियस्तरमा फुटबलको विकासमा महत्त्वपूर्ण भूमिका खेलेको आयोजक टिमले बताए । आयोजक समितिका अनुसार, खेलहरू निष्पक्ष, रोचक र उत्साहजनक बनाउन सम्पूर्ण तयारीहरू पूरा भइसकेको छ।
प्रतियोगिताका लागि टिम सहभागी कार्य जारी रहेरहेको जनाइएको छ । प्रतियोगिताको फाइनल खेल कार्तिक १५ गते हुने अपेक्षा गरिएको छ। यस फुटबल प्रतियोगितालाई शब्य र भव्यताका साथ सम्पन्न गर्नका लागि पाँचखाल नगरपालिका,सम्पूर्ण वडा,विभिन्न संघ संस्था र अग्रज व्यक्तिहरुको साथ र सहयोगको अपेक्षा आयोजक टिमले गर्नु भएको छ ।
