ब्लड क्यान्सर हुनु भन्दा अगाडि देखिन्छ यस्तो ६ संकेत जानी राखौ

शरीरका लागि रगत महत्वपूर्ण छ। रातो रक्तकोष र सेता रक्तकोष मिलेर रगत बनेको हुन्छ। शरीरका अंगहरुमा अक्सिजन र अन्य पौष्टिक तत्वहरु रगतको माध्यमबाट नै पुग्ने गर्छन्।

यदि कुनै व्यक्तिको रगतमा खराबी भएमा उसलाई ठूलो स्वास्थ्य समस्या देखिन सक्छ। ब्लड क्यान्सर पनि त्यस्तै खतरनाक रोग हो। रगत बोनम्यारोबाटै बन्ने भएकाले ब्लड क्यान्सर पनि बोनम्यारोबाट नै सुरु हुन्छ। सुरुवाती चरणमा यसका लक्षणहरु सामान्य हुन्छन्, जसलाई प्रायः मानिसहरुले बेवास्ता गरिरहेका हुन्छन्।

बारम्बार संक्रमण

ब्लड क्यान्सर भएकाे व्यक्ति बारम्बार विभिन्न संक्रमणबाट ग्रसित हुन्छ। ब्लड क्यान्सर भएको व्यक्तिको रगतमा केही यस्ता कोषहरू विकसित हुन्छन्, जसले स्वास्थ्यमा हानी पुर्‍याउँछ। रगत हाम्राे शरीरकाे प्रत्येक अंगमा पुग्ने भएकाले यसकाे लक्षण कुनैपनि अंगमा देखिन सक्छ। सामान्यतया ब्लड क्यान्सरकाे बिरामीमा छालाकाे संक्रमण (छालाकाे रंग राताे, कालाे या फुस्राे हुनु, डाबर या खटिराहरू देखापर्नु), फाेक्साेकाे इन्फेक्सन, घाँटी या मुखकाे इन्फेक्सन हुन सक्छ। एकैसाथ अन्य कयाैँ इन्फेक्सन पनि हुन सक्ने सम्भावना रहन्छ।

चाेट लाग्दा रगत बग्न नराेकिनु

बाह्य हावाकाे सम्पर्कमा आउँदा रगत जम्ने प्रक्रिया सुरू हुने भएकाले सामान्यतया एक स्वस्थ व्यक्तिको शरीरमा चोटपटक वा स्क्र्याच आउँदा रक्तस्राव प्रायः छोटो समयमा आफैँ रोकिने गर्छ। तर ब्लड क्यान्सरका बिरामीमा यस्ताे प्रक्रिया हुँदैन। यदि कुनै व्यक्तिलाई ब्लड क्यान्सर एको छ भने उसलाई चोट लागेमा रक्तस्राव छाेटाे अवधिमा राेकिँदैन र घाउ निकाे हुन पनि लामाे समय लाग्छ।

बिनाचाेटपटक नाक वा दाँतका गिजाबाट रगत बग्ने, महिनावारीमा अत्यधिक रक्तस्राव हुनेलगायतका लक्षणहरू पनि देखिन सक्छन्, जुन हामी बेवास्ता गरिरहेका हुन्छाैँ।

हरेक समय थकान महशुस र सुस्त हुनु

थकान र सुस्तता क्यान्सरका धेरै सामान्य लक्षणहरू हुन्, जुन हामी आफैंमा पनि प्रायः महशुस गर्न सकिन्छ। तर थकानका कारण हामीलाई दैनन्दिनीय काम गर्नसमेत असहज हुन थाल्यो र दिनभर सुस्त रहियो भने तुरून्त चिकित्सकसँग परामर्श गरी जाँच गराउनुपर्छ। किनकी यो ब्लड क्यान्सरको प्रारम्भिक लक्षण पनि हुन सक्छ।

तीव्र गतिमा ताैल घट्नु

यदि आफ्नो ताैल अचानक घट्दै गयाे भने ताैल परीक्षण गर्नु अत्यावश्य हुन्छ। एक महिनाभित्र बिना कुनै प्रयास, २.५ किलोभन्दा धेरै कम तौल भयाे भने याे स्वास्थ्यसम्बन्धी समस्याकाे संकेत पनि हुन सक्छ। ब्लड क्यान्सर हुँदा पनि बिना कारण ताैल घट्न थाल्छ।

जाेर्नीमा दुखाइ

जाेर्नीकाे दुखाइ हुने समस्यालाई पनि हामी सामान्य रूपमा लिन्छाैँ। सामान्यतया जाेर्नी दुखाइकाे कारण धेरै हुन सक्छन्। थकान, हड्डीकाे कमजाेरीलगायतका कारण पनि जाेर्नीमा दुखाइ हुन्छ। यद्यपि ब्लड क्यान्सरकाे कारण पनि जाेर्नी र हड्डीमा दुखाइ हुन सक्छ ।

भाेक कम लाग्नु, पेटमा समस्या देखिनु

ब्लड क्यान्सरले पाचन प्रणालीमा पनि नराम्राे प्रभाव पार्छ। भाेक लाग्दैन। अपच, कब्जियत, दिसा-पिसाबमा रगत देखिनेलगायतका लक्षणहरू देखिन्छन्। यस्ता लक्षण देखिए तुरून्त स्वास्थ्य जाँच गराउन चिकित्सकहरू सल्लाह दिने गर्दछन्। -एजेन्सी