काठमाडौ, जेठ १३ । केही दिनयता पश्चिम तराइका धनगढी र नेपालगञ्जको अधिकतम तापक्रम ४१ डिग्री सेल्सियसभन्दा माथि पुगेको छ । जसका कारण अत्याधिक गर्मी महसुस हुन थालेको छ । जल तथा मौसम विज्ञान विभागले ती भेगका बासिन्दालाई गर्मीबाट बच्न सतर्कता अपनाउन आग्रह गरेको छ ।
मौसम पूर्वानुमान महाशाखाले आइतबार बिहान पौने ९ बजे सार्वजनिक गरेको १६ स्थानको विवरणमध्ये नेपालगञ्जको अधिकतम तापक्रम सबैभन्दा बढी ४१.२ डिग्री सेल्सियस मापन गरिएको छ ।
यस्तै, धनगढीमा ४१, भैरहवामा ४०.७, जनकपुरमा ४० र काठमाडौंमा ३३.४ डिग्री सेल्सियस तापक्रम पुगेको छ । आज ओखलढुंगाको सबैभन्दा कम तापक्रम २८.२ डिग्री सेल्सियस मापन गरिएको छ । पछिल्लो केही दिनयता काठमाडौं उपत्यकामा समेत गर्मी हुन थालेको छ ।
