कोरियामा काम गर्ने कामदारको तलब ४ लाखसम्म पुग्यो, युरोपमा कस्तो छ कमाई ?

कोरिया नेपाली कामदारका लागि उत्कृष्ट गन्तव्य हो भन्ने सबैलाई जानकारी भएकै विषय हो । कोरियन भाषा परीक्षा पास भई कोरिया गएर उज्जवल भविष्य निर्माणका लागि जुटेका युवाहरुको संख्या तीब्र गतिमा बढ्न थालेको छ । विगतको भन्दा कोरियामा आकर्षण बढ्न थालेको छ । जापान, अष्ट्रेलिया र क्यानडा जान तयार भएर बसेकाहरु पनि अहिले कोरियाको तयारीमा जुट्न थालेका छन्।

कोरियामा काम गर्ने कामदारको तलबले जोसुकैलाई आकर्षित गर्दछ । कोरिया जानेवित्तिकै सुरुवाती तलब नै २ लाख प्लस पर्छ भने अहिले त ३ देखि ४ लाखसम्म समेत सुरु्वाती तलब पाउनेहरु बढ्न थालेका छन् यदव्पी यो संख्या निकै सानो छ। राम्रा कम्पनीमा छनोट भएका र सीपवान युवाहरुले मासिक तलब ४ लाखसम्म खान थालेको तथ्य पनि बाहिरिएको छ । उत्कृष्ट सीप कौशल भएका, सीप सिकेर बाहिरिएका सीमित नेपालीले पनि ४ लाखसम्म कमाउन थालेको जानकारी स्रोतबाट प्राप्त भएको छ।

उसो त मिहिनेत पनि धेरै गर्नुपर्दछ तर कोरियामा काम गर्नका लागि ज्यानको बलिदान दिन पनि युवाहरु तम्तयार भएर बसेका छन्। उनीहरुले नेपालको संयन्त्रलाई नै घुडाँ टेकाईदिए । यहि सन्दर्भमा केही उच्च पदस्थहरुको जागिर खोसियो । कोरिया जान चाहाने युवाहरुको कडा आन्दोलनमा उत्रिएपछि उच्च पदस्थहरुको जागिर खोसिएको थियो । केही युवाहरुले अमूल्य जिन्दगी गुमाउनुपर्यो ।

नेपालमा बढ्दो रोजगारी र सोचेअनुसारको तलब नपाएपछि लोकसेवा र शिक्षकसेवा पास भएका युवाहरु पनि कोरियातिर ह्ईकिन थालेका डेटाहरु बढ्न थालेका छन् । कोरिया जानेमा तल्लो दर्जाका प्रहरी, प्रावि र माविका शिक्षकहरुका साथसाथै प्राइभेट बैंकको असिसटेन्ट तहमा जागिर गर्नेहरु सम्म छन् । उनीहरुले नेपालमा बसेर थोरै तलबमा जिवन धान्न अप्ठेरो परेपछि बिदेशी हुईकिएको इपिएस कोरियाको कार्यालयको तथ्याकंले देखाउँछ । नेपाल प्रहरीका जवानहरु र प्राविका स्थायी शिक्षकहरु जागिर छोडेर कोरिया जाने शिर्ष स्थानमा छन् ।

पछिल्लो समय भारत र खाडी जाने युवाहरुले रोजगारीका नवीन गन्तब्य पनि खोज्न थालेका छन् । नेपालीहरु जापान, कोरिया र बिशेषगरी युरोप पनि जागिरको लागि उत्कृष्ट गन्तव्य बन्न थालेको छ । बिश्वब्यापीकरणको बढ्दो प्रभावसँगै एक देशको नागरिक अर्को देशमा कामको खोजीमा बिदेशीनु कुनै नौलो विषय भने पक्कै होईन् । संसार एउटा घर नै भएको छ, संसारको जुनसुकै कुनामा भएको श्रम, समय,उत्पादन र सेवाहरुले संसारको अर्को कुनामा मूल्य पाउन थालेको छ । नेपालबाट पनि युवाहरु अध्ययन, अनुसन्धान, सिकाई र आर्जन प्रयोजनका लागि बिदेशिन थालेका छन् । केही गैरकानुनी बाटो हुदैँ बिदेशीनेहरु ठूलो संकटमा पनि फस्ने गरेका छन् । बिशेषगरी पछिल्लो समय युरोपेली मुलुकहरुमा गैरकानुनी बाटो हुदैँ छिर्ने बढेका छन् । युरोपमा सहज रुपमा छिर्न सक्नेहरु मासिक १ लाखदेखि २ लाखको विचमा कमाई त गरिरहेका छन् तर केहि नेपालीले बिदेश गएको केहि दिनमै नेपाल आउनुपर्ने अबस्था सिर्जना पनि भएको छ।