काठमाडौं । नायिका पूजा शर्माले आफ्नो मानहानी गरेको भन्दै टेलिभिजन प्रस्तोता प्रकाश सुवेदी विरुद्ध कलाकार संघमा उजुरी दिएकी छिन्।आइतबार नायिका शर्माले,प्रेस काउन्सिल, चलचित्र कालकार संघ लगायत विभिन्न संस्थामा मानहानीको उजुरी दिएकी हुन।
एपीवान टेलिभिजनमा बिहीबारबाट प्रसारणमा आएको कार्यक्रम ‘रजतपट’मा प्रस्तोता प्रकाश सुवेदीले आफूलक्षित अपमानजनक शब्द प्रयोग गरेको भन्दै मानहानी गरेको भन्दै पूजाले उजुरी दिएकी हुन।प्रकाश सुवेदीका कारण आफूले मानसिक तनावसम्म भोग्नु परेको पूजाले बताएकी छिन्।
स्कुटर चलाउँदासमेत आफूलाई तनावका कारण कतै लड्छु कि जस्तो पनि भएको उनले बताएकी छिन्।कार्यक्रममा प्रस्तोता प्रकाशले नायिका शर्मालाई लक्षित गरि दाह्रा निस्केको अनुहार भनेका थिए।यसअघि प्रशारित कार्यक्रमबारे नायिका पुजाले सुवेदीलाई अन्तरवार्ता इडिट गर्न आग्रह गरेकी थिइन्।
तर, प्रस्तोता सुवेदीले पछिल्लो कार्यक्रममा ‘इन्टरभ्यू दिने पनि आफैं, बोल्ने पनि आफैं, नआउने पनि आफैंलाई, अनि हामीले चाहिँ लिएको इन्टरभ्यु इडिट गरिदिनु पर्ने? मिलाई मिलाई महानायिका बनाइदिनु पर्ने? त्यो पनि दाह्रा निस्किएको अनुहारलाई?’भन्दै आफ्नो कार्यक्रममा व्यङ्ग गरेका थिए।यसरी एउटा कलाकारलाई उसको शरीरलाई लिएर यसरी अभिव्यक्ति दिँदा समग्र कलाकारिता माथि नै प्रश्न उठेको भनी विरोध भइरहेको छ।
