गायक प्रेमराजा र उनकी श्रीमतीलाई कोरोना संक्रमण

काठमाडौं – चर्चित गायक प्रेमराजा महत र उनकी श्रीमती कवितामा कोरोनाभाइरसको संक्रमण देखिएको छ । आफलाई कोरोनाभाइरसको संक्रमण देखिएको बारे गायक महतले सामाजिक सञ्जाल फेसबुकमार्फत जानकारी गराएका हुन् ।

उनले आफु र श्रीमतीमा कोरोना संक्रमण भएको र अहिले आफ्नै घरको एक एक कोठा मा आईसोलेसन बसेको बताएका छन् । त्यस्तै उनले आफुहरुले सतर्कता अपनाउदा अपनाउदै कोरोना संक्रमित हुन पुगेको बताएका छन् । उनको नेपालमा घर तनहुँ हो । उनी अमेरिकामा व्यवसाय सञ्चालन गर्दै आएका छन् ।

उनले सामाजिक सञ्जाल फेसबुकमा लेखेका छन् – समुदाय का सम्पुर्ण दिदीबैनी दाजुभाई तथा ईष्टमित्रहरू मा हार्दिक अपिल ।यदि हामिले समयमै सतर्कता अपनाएनौ भने बिश्वमहामारी कोरोना ले हमि कसैलाई पनि अछुतो बनाऊने वाला छैन । ध्यान राख्दा राख्दै दुर्भाग्यबस हाम्रो श्रीमान श्रीमति पनि यसबाट बंच्न सकेनौ ।हामि अहिले आफ्नै घरको एक एक कोठा मा आईसोलेसन मा छोरा डा. सरगम महत को निरिक्षण र निगरानी मा बसेकाछौं।

यदि हाम्रो परिवार बाहेक यस्तो समस्या कसैमा देखिएको छ भने कृपया कत्तिपनि शर्मनमानिकन यो रोग लाई गोप्य नराखी समुदायलाई सु-सुचित हुने मौका दिनु हुनेछ भन्ने पुर्ण बिश्वास का साथ हजुरहरू मा हार्दिक अनुरोध गर्दछु।ईमान्दारिता ले गर्दा देश,समुदाय , स्वास्थ्यकर्मि र बिश्वस्वास्थ्य संगठन प्रति नै सहयोग पुग्नजानेछ।जय पशुपतिनाथ।