काठमाडौं । काठमाडौंको पदर्शनी मार्गस्थित रत्न राज्य (आरआर) क्याम्पसमा खुकुरी हानाहान भएको छ । नेकपा (एमाले) निकट अनेरास्ववियुका कार्यकर्ताबीच आज (बुधबार) खुकुरी हानाहान भएको हो ।
प्रहरी परिसर सिंहदरबारले दिएको जानकारी अनुसार खुकुरी प्रहारबाट तीनजाना विद्यार्थी नेताहरुलाई गहिरो चोट लागेको छ ।
संगठनको आन्तरिक निर्वाचनका क्रममा विवाद हुँदा खुकुरी प्रहार भएको बताइएको छ । संगठनको अध्यक्ष कसलाई बनाउने भन्ने विषयमा छलफलको क्रममा उनीहरुबीच विवाद भएको बताइएकाे छ ।
