पत्नीमाथि हिंसा गरेको आरोप लागेका डाक्टर पंकज चौधरी पक्राउ परेका छन् । चौधरीलाई महोत्तरी रामगोपालपुर–५ स्थित घरबाटै पक्राउ गरिएको जिल्ला प्रहरी कार्यालय महोत्तरीले जानकारी दिएको छ ।
प्रहरीका अनुसार जिल्ला अदालत महोत्तरीले पक्राउ पुर्जी जारी गरेपछि हिजो घरबाटै पक्राउ गरिएको हो ।
पंकजकी पत्नी नेहा चौधरीले पंकजले दाइजोको निहुँमा आफूमाथि कुटपिटसहितका हिंसा गरेको र घरबाट निकालेको भन्दै उजुरी गर्नुभएको थियो ।
गत कात्तिक ४ गते नेहाले िजिल्ला प्रहरी कार्यालय महोत्तरीमा घरेलु हिंसाको उजुरी दिनुभएको थियो।
त्यतिबेलाको उजुरीपछि पक्राउ गरी पंकजलाई छाडिएको थियो । पत्नी नेहाले फेरि उजुरी दिएपछिट पंकजलाई फेरि पक्राउ गरिएको प्रहरीको भनाइ छ ।
पंकज अहिले एमडी गरिरहेको उहाँकी पत्नीले बताउनुभएको छ ।
