काठमाडौंको सामाखुसीमा एक जना मृत फेला परेका छन् ।
काठमाडौं महानगरपालिका-२६ सामाखुसी टाउन प्लानिङ डेरा गरी बस्ने गोरखा घ्यालचोक गाउँपालिका-२ घर भएका ४२ वर्षीय कृष्ण कुमार श्रेष्ठ आफ्नै कोठा बाहिर बुधवार मृत अवस्थामा फेला परेका छन् ।
यसैगरी सुनसरी, ईटहरी उपमहानगरपालिका स्थित नर्थ पोईन्ट सेकेण्डरी बोडिङ स्कुलमा सेक्युरिटी गार्डको काम गर्ने बराह नगरपालिका बस्ने २४ वर्षीय दिपेन्द्र परियार सोही स्कुलको गार्ड रुममा मृत अवस्थामा फेला परेका छन् ।
यस्तै झापा, मेचीनगर नगरपालिका मिलन चौकस्थित खेतमा हाल नाम, थर, वतन नखुलेका करिब ८० वर्षीय पुरुष मृत अवस्थामा फेला परेका छन् ।
मोरङ, सुन्दरहरैचा नगरपालिका बुढीखोला नजिक बाटोमा हाल वास्तविक नाम, थर, वतन नखुलेका करिब ५० वर्षीय पुरुष मृत अवस्थामा फेला परेका छन् । एक बहादुर राई भन्दै बोलाईने उनी सो क्षेत्रमा मागी खाई हिँड्ने गरेको बुझिएको छ ।
घटनाबारे प्रहरीले थप अनुसन्धान गरिरहेको प्रहरीले बताएको छ ।
