१ लाख २४ हजार नगदसहित ६ जना जुवाडे पक्राउ

दार्चुला । प्रहरीले दार्चुलामा नगदसहित ६ जना जुवाडेलाई पक्राउ गरेको छ ।

जिल्लाको दुँहु गाउँपालिका–२ घर भई हाल महाकाली नगरपालिका–४ खंलगा तिंकरखेडामा ३० वर्षीय जनक बडालले सञ्चालन गरेको बडाल फास्टफुडको चौथो तल्लाबाट जुवातास खेलिरहेको अवस्थामा ६ जनालाई पक्राउ गरिएको जिल्ला प्रहरी कार्यालय दार्चुलाले जनाएको छ।

बडालसहित ६ जनालाई नगद १ लाख २४ हजार ८८० र २ गड्डी ताससहित नियन्त्रणमा लिइएको हो ।

उनीहरुमाथि थप अनुसन्धान भइरहेको बताइएको छ ।