वाफ वमेन्स च्याम्पियनसिपको उपाधिका लागि नेपाल र जोर्डनबीचको खेल आज हुँदै छ । आज राति साढे ९ बजेदेखि साउदी अरेबियामा फाइनल खेल हुन लागेको हो ।
उपाधिको बलियो दाबेदार मानिएको नेपालले आज पाँच पटकको विजेता जोर्डनो सामना गर्दै छ । आज नेपाली टोलीमा महत्त्वपूर्ण खेलाडी साबित्रा भण्डारी ‘साम्बा’ भने हुने छैनन् ।
फ्रान्सको क्लबमा आबद्ध भएकी साम्बाले क्लबसँगको सम्झौताअनुसार आजको खेल गुमाउने भएकी हुन् ।
साम्बा क्लबमा फर्किइसकेकी छन् । उनलाई राष्ट्रिय महिला टोलीका सदस्य तथा पदाधिकारीले बिदाइ गरेका छन् ।
