काठमाडौं – बागलुङमा शुब्रबार राति पहिरोले घर पुरिदा २ जनाको ज्यान गएको छ । भने एक जना घाइते भएका छन् ।
ज्यान जानेमा निसीखोला गाउँपालिका–५ कारी गाउँका हिराबहादुर बिकका १३ वर्षीया छोरा वीरेन्द्र विक र ६ वर्षका नाती प्रवेश विक रहेका छन् । भने घाइते हुनेमा ५३ वर्षीया दिलसरा बिक रहेकी छिन् ।
सुतिरहेको समयमा उनीहरुलाई पहिरोले पुरेको प्रहरीले जनाएको छ । पहिरोले पुरिदा ज्यान गुमाएका वीरेन्द्र र प्रवेश मामा भान्जा हुन् ।
