अभिनेत्री नन्दिता केसी आमा बन्ने भएकी छिन्। गत वर्ष फागुनमा बिहे गरेकी उनले पहिलो सन्तानलाई जन्म दिन लागेकी हुन्।
नन्दिताले सामाजिक सञ्जालमार्फत आफू आमा बन्न लागेको जानकारी दिएकी हुन्। श्रीमानसँगको तस्विरहरु सेयर गर्दै उनले खुसी व्यक्त गरेकी छिन्।
तस्विरमा नन्दिताले लेखिएको टिसर्टमा ‘सून टू वी ममी’ लेखिएको छ। साथै ‘सून टू वी डेड’ लगाएको टिसर्ट लगाएर अरविन्द्रले नन्दितालाई चुम्बन गरेका छन्।
‘नारीले पाएको मातृत्वको वरदान र पुरुषले पाएको जगत पिताको वरदान। सन्तानलाई गर्भमा हुर्काउँदै गर्दा आफूलाई एकदमै भाग्यमानी महसुस गरिरहेकी छु। भगवान्को आशीर्वाद र माता–पिताहरूको साथमा आफन्तजन र शुभचिन्तकको आशीर्वादको पूजा गर्दछौँ,’ उनले लेखेकी छिन्।
पोस्टमा थुप्रैले बधाई तथा शुभकामना दिइरहेका छन्। नन्दिताले गत फागुन १९ गते अमेरिकामा बस्दै आएका अरविन्द्रसँग बिहे गरेकी थिइन्। नन्दिताले हामी तीन भाइ, सपना, माया नगर लगायतका फिल्ममा काम गरिसकेकी छिन्।
