काठमाडौं । आमाको सधैँ यही प्रयास रहन्छ कि उसको बच्चा कहिल्यै भोकै नहोस् । चाहे बच्चाको केही खाने मन नहोस् वा उसलाई भोक नलागिरहेको होस् । आमाको यही माया बच्चाको स्वास्थ्यसँग खेलबाड साबित हुन सक्छ ।
वास्तवमा डाक्टरको भनाइ छ कि आमाले बच्चालाई यसरी कहिल्यै केही पनि खानेकुरा दिनु हुँदैन । विशेष गरी बच्चा भोक नलाग्दा उसलाई दूध वा बिस्कुट खुवाउने गल्ती गर्नु हुँदैन ।
जब बच्चा केही खान्न आमाले उसलाई दिनमा २ देखि ३ पटक दूध दिन्छन् वा खाजा दिन्छन् । यसले बच्चाको पेट त भरिन्छ तर, उसलाई चाहिने पोषक तत्त्वहरू जो उसको तौल बढाउनका लागि आवश्यक छन्, ती प्राप्त हुँदैनन् ।
यदि तपाईंको बच्चा खाना खान मानिरहेको छैन भने उसलाई कर नगर्नुहोस् । जब उसलाई भोक लाग्छ, तब मात्र उसलाई त्यहीँ खाना दिनुहोस् । यदि बच्चा तब पनि खान मानेन भने अलिकति अझै पर्खनुहोस् किनकि कुनै पनि बच्चा धेरै समयसम्म भोकै रहन सक्दैन ।
आमाहरूलाई लाग्छ कि बच्चाले केही खाएको छैन, उसलाई दूध पिलाउँछु वा एक प्याकेट बिस्कुट दूधसँग खुवाउँछु । यस्तो सोचेर यदि तपाईं उसलाई खुवाउँदै हुनुहुन्छ भने यही तपाईंको सबैभन्दा ठूलो हुन सक्छ । डाक्टरहरू भन्छन् कि बच्चालाई भोक लाग्न दिनुहोस्, उसलाई भोकको महत्त्व बुझ्न दिनुहोस् । जब बच्चालाई भोक लाग्छ, उसले आफैँ मागेर खान्छ ।
जब उसले खाना माग्छ, उसलाई त्यही स्वस्थ खाना खुवाउनुहोस् जुन तपाईंले उसको लागि बनाएको हुन्छ । यी कारणहरूले नै डाक्टरहरूले बच्चालाई बारम्बार दूध र बिस्कुट दिनबाट बच्न सल्लाह दिन्छन् ।दूधको धेरै सेवनले शरीरमा आइरनको कमी हुन सक्छ भने धेरै बिस्कुटको सेवनले कब्जियतको समस्या समस्या हुन सक्छ । त्यसैले दूध र बिस्कुट खुवाउनु स्वास्थ्यको दृष्टिकोणले राम्रो होइन ।
