किन हेर्नु हुँदैन फुटेको ऐना ? यस्तो छ कारण जानी राखौ

फुटेको ऐना विशेष गरी घरमा राख्नु हुँदैन भन्ने प्रचलन रहेको छ । हामीले पनि फुटेको ऐना हेर्दा बुढापाकाले फुटेका ऐना हेर्नु हुँदैन भन्ने गरेको सुनेका छौँ । फुटेको ऐना हेर्दा भाग्य पनि त्यसैगरी फुट्छ भन्ने मान्यता रहेको छ ।

फुटेको ऐना हेर्दा वा घरमा राख्दा भाग्य फुट्ने, दुःख, कष्ट, पिर थपिने र जीवनमा बाधाहरू आउने शास्त्रीय मान्यता रहेको छ ।

यस्तै, घरमा फुटेको ऐना राखेमा गरिबी निम्तनुका साथै अनिकाल सुरु हुने शास्त्रीय विश्वास छ ।

ऐना सम्बन्धित तथ्य
वास्तुशास्त्र अनुसार ऐना सदैव घरको उत्तर या पूर्व दिशामा राख्नु पर्दछ । यसो गर्दा घरमा सुख–शान्ति छाउनुका साथै आर्थिक अवस्थामा सुधार हुने मान्यता छ ।

आफू नियमित सुत्ने ओछ्‌यान नजिक ऐना राख्नुलाई शुभ मानिँदैन किनकि यसले पति पत्नीको सम्बन्धमा नकारात्मक असर पर्दछ ।

सिसा फुट्नु

सिसा फुट्नुलाई पनि अशुभ मानिन्छ । यसका पछाडि लुकेको वास्तविक कारण केलाउँदा के देखिन्छ भने यो मानिसको कुशलतासँग जोडिएको छ ।

सिसा फुटेर भुइँमा छरिएपछि त्यसका मसिना कण जतिसुकै सफा गरे पनि भुइँमै टाँसिएर रहनसक्छन् । यसबाट परिवार तथा आगन्तुक व्यक्तिलाई त्यो कण बिझ्ने डर भइरहन्छ । खासमा पहिलेका घरहरुमा अहिलेको जस्तो ढलान, टायल, मार्बल आदिको चलन थिएन, भुइँमा माटो अथवा गोबरले लिपिएको हुन्थ्यो जसमा सिसाका कण सजिलैसँग टाँसिएर रहनसक्थे ।

त्यसले ठूलै समस्या निम्त्याउनसक्ने भएकाले धर्मको डर देखाएर सिसा फुट्यो भने अलच्छिन लाग्छ भन्दै मानिसलाई सचेत तुल्याउने काम गरिएको देखिन्छ । तसर्थ मानिसहरु सावधान रहून् र चोटपटक लाग्नबाट जोगियून् भन्ने मान्यताका साथ यसलाई अशुभ मानिएको हो भन्न सकिन्छ ।