वर्षायाममा रोगहरूबाट टाढा रहन यी यस्ता खानेकुराहरुको सेवन गर्नुहोस्

यो मौसममा रुघाखोकी, घाँटी दुख्ने, ज्वरो आउने समस्या बढ्न थाल्छ । यसबाट बच्न मानिसहरूले सरसफाइमा विशेष ध्यान दिनुपर्छ र घरमा बनाएको ताजा खाना मात्रै खानुपर्छ ।बाहिरका खानेकुराबाट बच्नुपर्छ र पर्याप्त मात्रामा सफा वा मनतातो पानी पिउनुपर्छ । यो मौसममा मानिसलाई पेटको इन्फेक्सन, झाडापखाला र ग्यास्ट्राइटिसको समस्या हुन्छ ।

यसबाहेक दूषित पानी पिउनाले मलेरिया, हैजा र जन्डिसको जोखिम पनि बढ्छ । यसकारण खानपानमा केही परिवर्तन गर्नाले पनि यी समस्याबाट छुटकारा पाउन सकिन्छ ।

यस्ता ५ खानेकुराको सेवन गर्नुहोस् :

सूप

यदि कुनै व्यक्तिलाई रुघाखोकी, ज्वरो वा घाँटी दुख्ने समस्या छ भने उसले तरकारीको सूप तयार गरी दिनमा एक वा दुई पटक पिउनुपर्छ । टमाटरको सूपले घाँटीमा ठुलो राहत प्रदान गर्न र शरीरलाई बलियो बनाउन सक्छ । मौसमी तरकारी मिसाएर पनि सूप बनाउन सकिन्छ । तरकारीमा पाइने पौष्टिक तत्त्वले तपाईँको शरीरबाट सङ्क्रमण हटाउन मद्दत गर्छ ।

अदुवा

वर्षायाममा हामीले आफ्नो आहारमा अदुवा समावेश गर्नुपर्छ । अदुवाले घाँटीमा न्यानो प्रभाव पार्छ, जसले घाँटीसँग सम्बन्धित दुखाइ र असुविधालाई कम गर्न मद्दत गर्दछ । अदुवामा प्राकृतिक एन्टिब्याक्टेरियल गुण हुन्छ, जसले शरीरलाई सङ्क्रमणसँग लड्न मद्दत गर्छ र रोग प्रतिरोधात्मक क्षमता बढाउन सक्छ ।

कागती

कागती भिटामिन सी को उत्कृष्ट स्रोत हो र यसको सेवनले रोग प्रतिरोधात्मक क्षमतालाई बलियो बनाउन सक्छ । कागतीलाई तरकारी, सलाद वा अन्य खानेकुरामा मिसाएर सेवन गर्न सकिन्छ । यसलाई मनतातो पानीमा मिसाएर पनि पिउन सक्नुहुन्छ । यसले तपाईँको शरीरलाई सङ्क्रमणबाट छिट्टै निको पार्न मद्दत गर्न सक्छ।

लसुन

आहारविद्का अनुसार वर्षायाममा लसुन खाँदा अथाह फाइदा हुन्छ । लसुनमा एन्टिभाइरल र एन्टिब्याक्टेरियल गुण हुन्छ, जसले शरीरलाई सङ्क्रमणबाट बचाउन प्रभावकारी हुन्छ । लसुनमा तातो स्वभाव हुन्छ, जसले यस मौसममा शरीरलाई न्यानो राख्छ । यसले रोगबाट बचाउँछ र प्रतिरक्षा प्रणालीलाई बलियो बनाउँछ । लसुन खाली पेटमा काँचो वा भुटेर खान सकिन्छ । यसबाहेक यसलाई तरकारीमा मिसाएर पनि खान सकिन्छ ।