काठमाडौं / अधिकांश मानिस खानामा अमिलो पिरो अचार खाने गर्दछन् । अचारले खानाको स्वाद बढाउनु साथै मुख नै रसिलो बनाइदिन्छ ।र अचार खाँदा कतिपय कुरामा ध्यान नदिदा घातक हुने खतरा पनि उत्तिकै छ । अझ बयम सिसाका भाँडामा राखिएका अचार खानु स्वास्थ्यका लागि हानिकारक हुन्छ ।बजारमा पाइने बोतल वा प्लाष्टिकले प्याकिङ गरेर बिक्रिका लागि राखिएका अचार खाँदा उच्च रक्तचाप, क्यान्सर, हृदयघात जस्ता थुप्रै रोगको सम्भावना उच्च रहेको पाइएको छ ।
१ हाड कमजोर:अचारमा सोडियमको मात्रा अत्याधिक हुन्छ । जसले शरिरमा क्याल्सियमको मात्रा कम गराई हाड कमजोर बनाउँने गर्दछ ।
२ रक्तचाप बढ्ने:खानामा नियमित बजारका वा बयमका अचार खाँदा शरिरमा सोडियमको मात्रा बढ्न गई रक्तचाप बढ्ने गर्दछ ।
३ मुटुमा समस्या अचारमा पाइने सोडियमले रक्त संचारलाई बिगार्नुका साथै मुटुको समस्या बढाउने गर्दछ । यसले मुटुमा धेरै प्रकारका समस्या निम्त्याउने गर्दछ । यसकारण बयममा राखिएका वा बजारबाट खरिद गरिएको अचार नखानु नै श्रेष्ठकर मानिन्छ ।
४ वजन बढाउने:नियमित अचार खाँदा शरिरमा आइरनको मात्रा कम हुने संभावना हुन्छ । साथै यसले शरीरमा बोसोको मात्रा पनि बढाउने गर्दछ ।
५ हृदयघातको जोखिम-खानामा नियमित अचार खानाले रक्त सञ्चार बिग्रनुका साथै यसले मष्तिकमा समेत असर पुर्याउँछ । साथै हृदयघातको जोखिम उच्च हुन्छ ।
६ क्यान्सरको खतरा-धेरै अचार खाँदा शरिरमा सोडियमको मात्रा बढ्न गई पेटको क्यान्सर हुने खतरा बढाउने गर्दछ । कतिपय अवस्थामा अल्सरको संभावना पनि हुन्छ ।
७ मृगौलामा असर-अचारमा पाइने सोडियमले क्याल्सियमलाई पगालेर मृगौलासम्म पुर्याउँछ । जसबाट मृगौलाको पत्थरी हुने संभावना हुन्छ ।
