१९ बैशाख, काठमाडौं । आजकल हामी स्मार्टफोनमा धेरै निर्भर भएका छौँ। या सम्मकी स्मार्टफोन बिना एक मिनेट पनि कल्पना गर्न असम्भव भएको छ । या सम्म मोबाइल फोन प्रयोग गर्छौँ कि किनमेल, बिल भुक्तानी, टिकट बुकिङदेखि लिएर हामी वरपरका परिवार र साथीभाइसँग जोडिन पनि माेबाइलकाे प्रयाेग गर्छौँ। नयाँ मोबाइल हुँदा राम्रोसँग चल्दै जान्छ तर बिस्तारै ह्यांग र स्लाे हुने समस्या उत्पन्न हुन्छ । स्मार्टफोन ह्यांग हुँदा धेरै समस्या उत्पन्न हुनसक्छ । यसले हाम्रो समय त बरबाद गर्छ नै डिभाइसलाई पनि बिगार्न सक्दछ ।
यदि तपाईंको फोन पनि ह्यांग हुने समस्या छ भने यी ट्रिक्स अपनाएर तपाईंले समस्या कम गर्न सक्नुहुन्छ :
फोन रिस्टार्ट गर्नुहोस् : ह्यांग भएको फोनलाई पुर्ववत् अवस्थामा ल्याउने सबैभन्दा सजिलो तथा प्रभावकारी उपाय भनेको फोनलाई रिस्टार्ट गर्नु हो । यसबाट तपाईंको फोनको मेमोरी रिफ्रेस हुन्छ र फोनले पुनः सामान्य रुपबाट काम गर्न थाल्दछ।
पृष्ठभूमिमा चलिरहेका एपहरु बन्द गर्नुहोस् : तपाईंले फोनमा कुनैपनि एप प्रयोग नगरिरहेको अवस्थामा समेत पृष्ठभूमिमा एपहरु च्लिरहेका हुन्छन् । यसबाट फोनको मेमोरी भरिन्छ र फोन ह्यांग हुन थाल्छ। त्यसैले तपाईंले पृष्ठभूमिमा चलिरहेका एपलाई बन्द गर्नु पर्दछ।
अनावश्यक एपहरुलाई अनइन्स्टल गर्नुहोस् : तपाईंको फोनमा यस्ता विभिन्न एपहरु हुनसक्छन् जुन तपाईंले कहिल्यै प्रयोग नै गर्नुहुन्न । यस्ता एपहरुलाई फोनबाट हटाउनाले तपाईंको फोनको मेमोरी तथा प्रोसेसरलाई आराम प्राप्त हुन्छ । जसका कारण फोनमा ह्यांग हुने समस्या कम हुन्छ ।
सफ्टवेयर अपडेट गर्नुहोस् : मोबाइल कम्पनीहरुले समय समयमा आफ्ना फोनहरुको लागि सफ्टवेयर अपडेट जारी गर्दछन् । ती अपडेटमा विभिन्न नयाँ सुविधासँगै बग फिक्स पनि सामेल हुन्छन् । त्यसैले आफ्नो फोनको सफ्टवेयर अपडेट राख्नु आवश्यक हुन्छ ।
फोनलाई फ्याक्ट्री रिसेट गर्नुहोस् : यदि तपाईंले माथि भनेका सबै उपयाहरु अपनाइसक्नुभयो तर पनि फोन ह्यांग हुन छाडेको छैन भने तपाईंको फोन फ्याक्ट्री रिसेट गर्नुपर्ने हुन्छ । यसो गर्दा फोनका सबै सेटिंग्स तथा डेटाहरु मेटिन्छन् । त्यसैले फोनको फ्याक्ट्री रिसेट गर्नुअघि फोनका आवश्यक डेटाहरुको ब्याकअप राख्नुहोस् ।
माथि उल्लेखित ट्रिक्स अपनाएर तपाईंले आफ्नो स्मार्टफोन ह्यांग हुने समस्या हटाउन सक्नुहुन्छ र फोनलाई सामान्य रुपमा चलाउन सक्नुहुन्छ।
