बेडरुममा यी सामाग्री राख्नु अघि सावधान ! दाम्पत्य जीवन टुट्न सक्छ,श्रीमान श्रीमतीको झगडाको कारण बन्न सक्छ

वैवाहिक जीवनपछि महिला पुरुषको सबैभन्दा गोप्य तथा अन्तरंग सम्बन्धका लागि बेडरुम उपयुक्त स्थान हुने गर्दछ ।वैवाहिक जीवनपछि तपाईंले आफ्नो बेडरुममा राख्ने सामाग्रीका विषयमा ध्यान दिनुपर्ने हुन्छ । त्यसो नगरेको खण्डमा बेडरुममा राख्ने सामाग्रीले समेत श्रीमान–श्रीमतीको सम्बन्धमा दरार पैदा गर्न सक्छ ।

१. भगवानका तस्विर

वास्तुशास्त्रका अनुसार विवाहित जोडीले बेडरुममा भगवानको तस्विर राख्नु उत्तम हुँदैन । यसले श्रीमान्–श्रीमती बिचको सम्बन्धमा दरार उत्पन्न गर्छ । भगवानका तस्विरलाई सकेसम्म छुट्टै कोठामा राख्नु उत्तम हुन्छ । सम्भव नभए पनि बेडरुममा भगवानको तस्विर राख्नु हुँदैन

२. विद्युतीय सामाग्री

विवाहित जोडीको कोठामा कुनै पनि विद्युतीय सामाग्री राख्नु हुँदैन । कोठामा भएका कम्प्युटर, टिभीलगायत विद्युतीय उपकरण नै श्रीमान्–श्रीमती बिच सम्बन्ध बिर्गाने प्रमुख कारक बन्न जान्छ । आजको समयमा सूचनाको पहुँचमा रहने नाममा बोकिने मोबाइलको अधिक प्रयोग दम्पत्तीको सम्बन्धमा फाटो ल्याउने कारण बन्ने छ ।

३. जुत्ता–चप्पल

वास्तुशास्त्रका अनुसार बेड रुममा जुत्ता, चप्पल राख्नु हुँदैन । बेडरुममा जुत्ता, चप्पल तथा अन्य अनावश्यक चिज राख्दा श्रीमान–श्रीमतीबीच मनमुटाव हुने वास्तुशास्त्रले बताउँछ । पाउँमा लगाएर भुईमा टेकिने जुत्ता, चप्पलले बेडरुममा नकरात्मक शक्ति र त्यसको प्रभाव बढाउने गर्दछ ।

४. यी तस्विर नराख्नु

दम्पत्ती जोडीको अन्तरंग सम्बन्ध हुने र पूर्णतः विश्राम गर्ने स्थान हो बेडरुम । त्यसैले बेडरुममा कुनै पनि हिंसा प्रेरित तस्बिर, कुनै हिंस्रक जीव वा मारकाट भएको तस्विर राख्नुहुँदैन । बेडरुममा मनलाई शान्त बनाउने हिमाल, झरना, जोडी पक्षीलगायतको तस्विर राख्दा उत्तम हुन्छ ।

५. दुईवटा बेड खतरनाक

वैवाहिक जोडीको बेडरुममा सधैँ एउटा मात्रै बेड अर्थात सुत्ने ओछ्यान (पलङ/खाट) हुन जरुरी छ । बेडरुममा दुईवटा बेड भएमा साधारण कुरामा बहस हुँदा पनि घुर्काउने नाममा अर्काे बेड जाने र बिस्तारै त्यही गतिविधि मनमुटावको कारण बन्न सक्छ । अझ एउटै डसना र सिरक हुनुपर्दछ । मानिस सानो कुरामा पनि चिढिने र आफ्नो अपेक्षाअनुसार नभए रिसाउँने, झर्किने स्वभावको भएकाले उसलाई फकाउन सिंगल बेड नै सहज हुन्छ ।