जनता समाजवादी पार्टी, नेपालकी सांसद मञ्जु शर्मा अन्सारीको निधन भएको छ ।सांसद अन्सारीको आइतबार बिहान उपचारका क्रममा मिनभवनस्थित सिभिल अस्पतालमा निधन भएको हो । २०२० साल माघ १९ मा जन्मिएकी अन्सारी २०७९ साल चैत १९ मा प्रतिनिधिसभा सदस्य भएकी थिइन् ।
जसपाबाट समानुपातिक निर्वाचन प्रणालीबाट प्रतिनिधिसभा सदस्यमा निर्वाचित शहनाज रहमानको २०७९ फागुन १३ मा निधन भएपछि रिक्त रहेको स्थानमा अन्सारी सांसद बनेकी थिइन् । सभामुख देवराज घिमिरे आइतबार नै सिभिल अस्पतालमा पुगेर शोक प्रकट गरेका छन् ।
२०४६ सालको आन्दोलन देखि राजनीतिक यात्रा सुरुवात गरेकी अन्सारी सद्भावना पार्टीमा आबद्ध भई २०४६ सालदेखि २०५६ सम्म उपत्यका महिला इन्चार्ज बनेकी थिइन् । अन्सारी हाल जसपा नेपालको पोलिटब्युरो सदस्य थिइन् ।
