काठमाडौं – आज २०८० साल फागुन ३ गते बिहीबार तदनुसार सन् २०२४ फेब्रुअरी १५ तारिख। माग कृष्ण पक्षको षष्ठी तिथि। पूर्वीय धर्मरास्त्रका प्रवक्ता शिव पार्वतीका पुत्र कुमारको जन्मदिन। ज्योतिषशास्त्रमा चन्द्रमा अनुसार दैनिक फलादेश हुन्छ। २७ नक्षत्रको आधारमा राशिको नाम निर्धारण गरिन्छ। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी गरिन्छ। खबरहबका लागि ज्यो.प. सूर्यनाथ लुइटेलले तयार पारेको आजको फलादेश :
मेष : समय राम्रो छ। धर्मको बारेमा ज्ञान प्राप्त हुनेछ। आफूले आफूलाई चिन्ने दिन हो। लगानी भएका क्षेत्रमध्ये शिक्षामा फाइदा होला। स्वास्थ्यमा लाभ होला। वैदेशिक लगानीबाट आम्दानी बढ्नेछ। परिवारसँगको सम्बन्धमा भने खटपटी हुनेछ।
वृष : शिक्षा क्षेत्रमा गरेको लगानी सफल बन्नेछ। सञ्चित धन खर्च हुनसक्छ। परिवार र प्रेम सम्बन्ध सुमधुर बन्नेछ। सामाजिक क्षेत्रमा मान र सम्मान बढ्नेछ। वैदेशिक क्षेत्रको लगानीबाट फाइदा हुनेछ।
मिथुन : गुरुको साथ मिल्नेछ। शिक्षा क्षेत्रमा रोजगारीको अवसर मिल्नेछ। स्वास्थमा पुरानो रोगले दु :ख दिनसक्छ। नियमित खाने औषधि नछुटाउनु होला। परिवारको साथ मिल्नेछ।
कर्कट : दैनिकी सामान्य छ। झुटा आरोपको सामना गर्नुपर्नेछ। आफूले गरेको राम्रो कामको जस अरुले लिन सक्छन्। लामो यात्रामा आफैं सवारी नचलाउनु राम्रो हुन्छ। विदेश यात्रा सफल हुनेछ। परिवार र प्रेम सम्बन्ध सुमधुर बन्नेछ।
सिंह : परिवारले शंका गर्ने योग छ। सामाजिक क्षेत्रमा भने तपाईंको प्रशंसा हुनेछ। शिक्षा क्षेत्रको लगानीबाट लाभ हुनेछ। वैदेशिक क्षेत्रमा ठग सक्रिय रहेकाले लगानी गर्दा सचेत हुनु राम्रो हुन्छ।
कन्या : समय राम्रो छ। शिक्षामा सम्मान प्राप्त हुनेछ। व्यापारमा नाफा कमाउने योग छ। विदेशमा भएको लगानीबाट फाइदा हुनेछ। गुरुबाट सहयोग नहुने देखिन्छ। परिवारको साथ र सहयोग रहनेछ।
तुला : समय राम्रो छ। अचानक पुरानो रोग बढ्ने भएकाले खानपानमा ख्याल गर्नुहोला। लगानीका क्षेत्रमध्ये शिक्षामा सफलता मिल्नेछ। सामाजिक सम्मान प्राप्त हुनेछ। विदेशको लगानीबाट फाइदा हुनेछ। परिवारको साथ र सहयोग मिल्नेछ।
वृश्चिक : आफ्नो कुरा काट्ने धेरै छन्। सचेत भएर काम गर्नुपर्ने देखिन्छ। प्रतिस्पर्धी परास्त हुने योग रहेको छ। शिक्षामा मानसम्मान र सामाजिक संस्थामा कदर मिल्नेछ। परिवारसँगको सम्बन्ध सुमधुर बन्नेछ।
धनु : दिन राम्रो छ। अचानक लाभ हुने योग रहेको छ। सामाजिक क्षेत्रमा सम्मान मिल्नेछ। विदेशमा गरेको लगानीबाट फाइदा हुनेछ। कुरा काट्नेहरु शान्त रहनेछन्। परिवारको साथ मिल्नेछ। प्रेम सम्बन्ध सुमधुर बन्नेछ।
मकर : बोलीको प्रभावले धेरै काम बन्नेछन्। अचानक धन खर्च हुने योग रहेको छ। परिवारमा झगडा सुन्नुपर्ने हुनसक्छ। वैदेशिक क्षेत्रको लगानीबाट मन सन्तुष्ट हुनेछ।
कुम्भ : दिन सामान्य राम्रो छ। आफूले आफूलाई चिन्ने र सम्हालिएर काम गर्नुपर्ने दिन छ। व्यापारमा फाइदा हुनेछ। सामाजिक क्षेत्रमा सम्मान मिल्नेछ। परिवारमा हारेर भए पनि आफ्नो काम सफल पार्नुपर्ने देखिन्छ। वैदेशिक क्षेत्रको लगानीबाट फाइदा हुनेछ।
मीन : नयाँ ठाउँको यात्रामा जाने योग छ। साथीसँगको यात्रा हुने भएकाले दिन रमाइलो हुनेछ। परिवारको साथ मिल्नेछ। शिक्षामा गरेको लगानीबाट फाइदा हुनेछ। साथीसँगको सम्बन्ध दरिलो बन्नेछ।
