पाँचखालमा मोटरसाइकल दुर्घटना हुँदा चालकको मृत्यु, स्थानीयद्धारा सडक अवरुद्ध

काभ्रेपलाञ्चोक । काभ्रेपलाञ्चोकमा मोटरसाइकल दुर्घटना हुँदा एक जनाको मृत्यु भएको छ ।

अरनिको लोकमार्ग अन्तर्गत पाँचखाल नगरपालिका–६ हनुमानगढीमा मोटरसाइकल दुर्घटना हुँदा जिल्लाकै पनौती नगरपालिका–१२ का अन्जादी ३४ वर्षीय रुपक खत्रीको मृत्यु भएको हो । एउटा बसलाई ओभरटेक गर्न खोज्दा अनियन्त्रित भई मोटरसाइकल विपरित दिशाबाट जाँदै गरेको प्र ३–०१–००५ ख ९७०३ नम्बरको डिब्बा गाडीमा ठोक्किन पुग्दा रुपकको घटनास्थलमै मृत्यु भएको प्रहरी निरिक्षक धर्मेन्द्र अकौलियाले जानकारी दिनुभयो । प्रहरीका अनुसार शव घटनास्थलमै रहेको छ । स्थानीयले भेला भई सडक अवरुद्ध गरेका छन् ।