धनकुटाका चर्चित गायक तथा संगीतकार टिएन बम्जनको “मेराे सोधाई तिमीलाई” बोल गीतको म्यूजिक भिडियो सार्वजनिक भएको छ। हाइलाइट्स नेपालको अफिसियल युट्युब च्यानल मार्फत सार्वजनिक भएको उक्त गितमा स्वर तथा संगीत टिएन बम्जन कै रहेका छन्। त्यसै गरी शब्द तर्फ कवि तथा साहित्यकार विना तामाङ थिङकाे रहेको छ भने संगीत संयोजन पवन वाङ लामाले गरेका छन् । अभिनयमा गायक स्वयम बम्जन, सितल तामाङ तथा प्रदीप कुमार गिरी लगायतले आफ्नो भूमिका निभाएका छन्।
परदेशमै रहेर नेपाली गीत संगीतलाई माया गर्ने टिएन बम्जनको आफ्नो सत्य घटनामा आधारित रहेको उक्त म्युजिक भिडियोमा परदेशीए पछि नेपाल फर्किदा आफ्नो श्रीमतीले धोका दिई परपुरुष सँग लागेको उक्त भिडियोमा देखाउन खोजिएको छ। विडम्बना अहिले हाम्राे समाजमा यस्ताे घटना दिन प्रतिदिन बढी रहेको छ।समसामहिक विषयमा रहेको उक्त भिडियोमा निर्देशन तथा संम्पादक जोहन राईकाे रहेको छ भने क्यामेरामा डिका गुरुङले साथ दिएका छन्।
