दिनको ३ वटा छोडा खानुहोस्, १ हप्तामै मिल्नेछन् नसोचेको फाइदा !

छोकडा अर्थात् ड्राइफुडको एउटा किसिम । अंग्रेजीमा date भनिने यो फलको अर्को नाम खजुर पनि हो । चाहे छोकडा भन्नुस् या खजुर, यो फल मानव स्वास्थ्यको लागि अत्यन्तै लाभकारी छ।

कतिसम्म भने, तपाईंले दिनको ३ वटा छोकडा एक हप्तासम्म लगातार खानुभयो भने, त्यसले नपत्याउँदो फाइदा दिने गर्छ। त्यो फाइदाबारे जानेपछि पक्कै पनि तपाईंले यो नरम नरम, गिलोगिलो, गुलियो स्वादिलो फललाई आफ्नो नियमित आहारामा सामेल गर्नुहुनेछ । आउनुहोस्, छोकडाको नियमित सेवनले हुने फाइदाहरुबारे केही जानकारी हासिल गरौं।

१. आन्द्राको क्यान्सरको जोखिम कम गर्छ: छोकडाको सेवन गर्दा हाम्रो आन्द्रामा फाइदाकारी व्याक्टेरियाहरुको बृद्धि हुन्छ । यसको अर्थ के हो भने हाम्रो पाचन प्रणालीले राम्रो काम गर्न सक्छ। जब पाचनप्रणालीले राम्रो काम गर्छ, त्यसको अर्थ त्यहाँ हानिकारक किटाणुहरु पैदा भइरहेका छैनन्, खानेकुरा राम्रो पचिरहेको छ।पाचनप्रणालीले राम्रो काम गर्नु भनेकै आन्द्राको क्यान्सर हुने जोखिम कम हुनु पनि हो । यस अर्थमा छोकडाको नियमित सेवनले आन्द्राको क्यान्सर हुने जोखिम कम हुन्छ।

२. पाचन प्रणाली राम्रो हुन्छ: छोकडामा पर्याप्त मात्रामा प्राकृतिक फाइबरहरु पाइन्छ । एक कप छोडडामा १२ ग्राम जति फाइबर हुन्छ । त्यो भनेको दैनिक रुपमा मानिसलाई चाहिने फाइबरको मात्राको ४८ प्रतिशत हो । उचित मात्रामा खाइने फाइबरले हाम्रो शरीरको पाचन प्रणालीलाई स्वस्थ राख्न र राम्ररी काम गर्न मद्दत गर्छ, त्यसले कब्जियत पनि हुन दिँदैन। व्रिटिश जर्नल अफ न्यूट्रिसनमाप्रकाशित एक अध्ययन रिपोर्टअनुसार प्रतिदिन सात वटाको दरले २१ दिनसम्म छोकडा खाने मानिसमा उनीहरुले छोकडा नखाएको अवस्थामा भन्दा बढी राम्ररी पाचनप्रणालीले काम गरेको देखिएको थियो।

३. शरीरमा शक्ति र स्फूर्ति बढ्छ:
छोकडामा प्राकृतिक रुपमा नै चिनी, ग्लुकोज, फ्रुक्टोज र सुक्रोजहरु पाइन्छन् । यी सबै तत्वहरुले हामीलाई तत्कालै र तुरुन्तै शक्ति दिने गर्छ । अरु कृत्रिम शक्तिवद्र्धक पेयहरुपमा पाइँदै नपाइने फाइबर, पोटासियम, म्याग्नेसिम, भिटामिनहरु, एन्टिअक्सिडेन्ट जजस्ता तत्वहरु छोकडामा पर्याप्त मात्रामा पाइन्छ, जसले तपाईंलाई शक्ति दिने मात्रै हैन, चाँडै थाक्न पनि दिँदैन।

४. मस्तिष्कको कार्यक्षमता बढाउँछ:
खजुरमा भिटामीन बी६ पाइन्छ । यो भिटामीनले मस्तिष्कमा सेरोटोनिन र नोरेपिनेफ्रिनको उत्पादनमा मद्दत गरेर मस्तिष्कको क्षमता अभिबृद्धिमा मद्दत गर्छ। सेरोटिनले हाम्रो मुडलाई ठीक राख्ने काम गर्छ भने नोरेपिनेफ्रिनले चाहिँ हाम्रो शरीरलाई तनावहरुसँग जुध्ने क्षमता प्रदान गर्छ । एक अध्ययनलेडिप्रेसन भएका मानिसहरुमा भिटामीन बी६ को कमी भएको देखाएको छ। जब मस्तिष्क तनावबाट मुक्त हुन्छ, राम्रो मुडमा हुन्छ, त्यो अवस्थामा उसले राम्ररी लेखपढ गर्न र सूचनाहरुलाई ग्रहण गर्न सक्छ।

५.हेमरोइडको उपचार: हेमरोइड भनेको त्यो पीडादायी अवस्था हो, जसमा मासिनको मलद्वारका मुख र नसाहरुमा जलन हुन्छ र सुन्निन्छ । धेरै जसो अवस्थामा यो कब्जियतकै कारणले हुने गर्छ, जसले गर्दा मलद्वारको मुखको भागमा तनाव, जोड परेर त्यो स्थिति सिर्जना भएको हुन्छ। यो भनेको डरलाग्दो र पीडादायी अवस्था हो र यो जटील बन्दै जाँदा चिकित्सीय हस्तक्षेपकै जरुरत पर्न पनि सक्छ । तर सामान्यतः खानपीनहरुमा परिवर्तन गरेर कब्जियतबाट बच्नु नै यो समस्याको सबैभन्दा सजिलो र अचूक समाधान हो ।

कब्जियतबाट बच्ने एक मात्र उपाय भनेको प्रशस्त पानी पिउनु र धेरै फाइबर भएका खानेकुराहरु सेवन गर्नु नै हो । भनिबस्नु पर्दैन कि छोकडामा धेरै फाइबर हुने गर्छ । त्यसैले हेमोरोइडबाट बचाउन र हेमोराइड भइसकेको अवस्थामा पनि त्यसलाई क्रमशः निकोपार्दै जानको लागि छोकडाको सेवन फलदायी हुन सक्छ ।

६.मुटको लागि पनि फाइदाजनक: मुटुको लागि सबैभन्दा राम्रो खानेकुराहरुमा पोटासियम भएका खानेकुराहरु मानिन्छ । रमाइलो कुरा के छ भने छोकडामा पोटासियम पनि पाइन्छ ।छोकडामा पाइने पोटासियमले खराब कोलेस्ट्रोललाई घटाएर हाम्रा रक्तधमनीहरुमा अवरोध पुग्न दिँदैन।

फलत: हामीलाई हृदयघात हुने समस्याबाट पनि यसले जोगाउँछ भन्दा अत्युक्ति नहोला। बुढी आइमाइहरुमा गरिएको एक अध्ययनलेपोटासियमले हृदयघात, मस्तिष्कघात र अकाल मृत्यको खतरा कम गर्ने देखाएको थियो।छैन त छोकडाको गुणकारी फाइदाहरु ? बजारमा सजिलै र सस्तैमा किन्न पाइने यो गुणकारी फललाई अब तपाईं हामी पनि हाम्रो आहारामा नियमित समावेश गर्ने हो कि ?