भोलीदेखि एमडिएमएस लागु हुने, दर्ता नभएका ५० लाख महंगा फोन ब्लक गरिने

काठमाडौं । नेपाल दुरसञ्चार प्राधिकरणले एमडिएमएसमा दर्ता नभएका आइफोन लगायतका महंगा मोबाईल ब्लक गर्ने भएको छ ।

प्राधिकरणले भोलिदेखि एमडिएमएस कार्यान्वयनमा ल्याउने भएको हो । नेपाल दुरसञ्चार प्राधिकरणका अध्यक्ष पुरुषोत्तम खनालले भोलिदेखि दर्ता नभएका मोबाईल ब्लक गरिने जानकारी दिनुभयो । उहाँका अनुसार महंगा फोन बन्द भएपछि अन्य फोन क्रमशः बन्द गरिनेछ । मोबाईल डिभाईस म्यानेजमेन्ट सिस्टम एमडिएमएसमा दर्ता नभएको करिव ५० लाख फोन मध्य पहिलो चरण आइफोन लगायत महंगा फोन ब्लक गरेर सो प्रणाली कार्यान्वयनमा ल्याउन लागिएको छ । गत जेटबाट लागु गर्ने भनिएपनि विवादका कारण हालसम्म लागु नभएको एमडिएमएस भोलीदेखि लागु हुने भएको हो ।