काठमाडौं । काठमाडौंको चन्द्रागिरी नगरपालिकामा मारुती कार दुर्घटना हुँदा २ जनाको मृत्यु भएको छ ।बा १० च ३५४६ नम्बरको कार चन्द्रागिरी-४ मारुती घाटमाथी दुर्घटना भएको प्रहरीले जनाएको छ ।चालक २० वर्षीय नवराज थोकर तामाङ र ४५ वर्षीय अनिल तामाङको मृत्यु भएको बुझिएको छ।
धनुषाको जनकपुरधामस्थित जानकी मन्दिरको विवाह मण्डप परिसरमा अश्लील भिडियो बनाएर टिकटकमा पोष्ट गरेका एक युवक पक्राउ परेका छन् ।
पक्राउ पर्नेमा धनुषाको औरही गाउँपालिका-६ पोखरभिण्डा बस्ने अन्दाजी १८ वर्षीय अनिरुद्र यादवलाई पक्राउ गरिएको जिल्ला प्रहरी कार्यालय धनुषाले जनाएको छ । यादवले एक युवतीको संवेदनशील अंगमा समाएको भिडियो टिकटकमा पोष्ट गरेका थिए । उक्त भिडियोमा देखिएकी युवती र भिडियो खिच्ने व्यक्तिहरुको खोजतलास भइरहेको पनि प्रहरीले जनाएको छ ।
