प्रोटिन मानव शरीरका मांसपेशीहरुका लागि आवश्यक पोषक तत्व हो । प्रोटिनले मांसपेशीसँगै हाम्रो छाला, एन्जाइमहरु र हर्मोनहरुका लागि अत्यावश्यक पदार्थ हो । शरीरका हरेक तन्तुका लागि प्रोटिन निकै आवश्यक हुन्छ । शरीरका धेरैजसो अंगहरुका लागि आवश्यक प्रोटिनको कमि भएमा विभिन्न प्रकारका शारीरिक समस्याहरु आउन थाल्छ ।
एडिमा: शरीरका कुनै पनि अंग फुल्ने, सुन्निने समस्यालाई मेडिकल भाषामा एडिमा भन्ने गरिन्छ । वैज्ञानिकका अनुसार यो समस्या शरीरमा ह्युमन सीरम एल्बुमिनको कमिले हुने गर्छ । यो पदार्थ रगत र रगत प्लाज्माको तरल भागमा पाइन्छ । प्रोटिनको कमिले पेटमा तरल पदार्थको कमि गरिदिन्छ ।
कलेजोमा बोसो: प्रोटिनको कमिले कलेजोको कोशिकाहरुमा बोसो जम्ने समस्या आउन सक्छ । यदि शरीरमा प्रोटिनको कमि भयो भने कलेजोमा बोसो जम्ने समस्या बढ्न सक्छ । जसले गर्दा कलेजो सुन्निने, घाउ हुने र कलेजोले काम नै गर्न नसक्ने अवस्था आउन सक्छ । यो (फ्याटी लिभर) को समस्या मोटोपन, मादकपदार्थ सेवन धेरै गर्ने व्यक्तिहरुमा हुन सक्छ ।
छाला, कपाल र नङ: प्रोटिनको कमिको प्रभाव प्रायः छाला, कपाल र नङमा देखिन्छ । छाला, कपाल र नङ बढ्नको लागि प्रोटिनको आवश्यकता पर्छ । तर, प्रोटिनको कमि भयो भने छाला फुट्ने, दाग धब्बा देखिने, रातो धर्साहरु देखिने, निलो, रातो दाग बस्ने, कपाल झर्ने र नङ पनि अत्यधिक कमजोर हुने गर्छ ।
मांसपेशीमा समस्या: मांसपेशीको वृद्धि र विकासका लागि प्रोटिन नभई हुँदैन । शरीरमा प्रोटिनको कमि भएमा शरीरको क्रियाको लागि हड्डिबाट प्रोटिन लिन थाल्छ । प्रोटिनको कमिले मांसपेशीमा धेरै समस्या ल्याउँछ । हड्डीहरु भाँचिने: प्रोटिनको कमिले हड्डीहरु कमजोर हुन्छन् । जसको कारण टुट्ने र भाँचिने सम्भावना धेरै हुन्छ ।
बालबालिका शारीरिक विकास: प्रोटिन हड्डी र मांसपेशीका लागि मात्र होइन बालबालिकाको वृद्धि र विकासका लागि पनि महत्त्वपूर्ण मानिन्छ । प्रोटिनको कमिले बालबालिकाको शारीरिक विकासमा समस्या हुन सक्छ । जसले गर्दा बालबालिकाहरु कुपोषणको शिकार हुन सक्छन् । इन्फेक्शनको खतरा: प्रोटिनको कमिले रोग प्रतिरोधात्मक क्षमतालाई पनि गम्भीर असर पुर्याउँछ । जसले गर्दा इन्फेक्शनको खतरा पनि निम्त्याउँछ ।
मोटोपनको समस्या: प्रोटिनको कमिले सबैभन्दा ठूलो समस्या मोटोपनको शिकार भइन्छ । प्रोटिनको कमिले भोक बढी लाग्छ । प्रोटिनको सेवनले बारम्बार भोक लागिरहने समस्यालाई कम गराउँछ । जसले गर्दा खाइरहन मन लाग्दैन । र मोटोपनबाट बच्न सकिन्छ । अण्डा, दही, दूध, पनिर, कुखुराको मासु, मसुरको दाल, फलयुक्त तरकारी, ब्रोकाउली, बदाम र ओट्स जस्ता चिजहरुको सेवनले प्रोटिनको कमि पूरा गर्न सकिन्छ ।
