जापानमा एक नेपाली बिद्यार्थी आफ्नै कोठामा मृ’ त फेला

जापान । जापानको ओकिनावा प्रान्तमा अध्ययनका लागि आएका एक नेपाली विद्यार्थीको असामयिक नि’ धन भएको छ ।सन २०२२ मा जापान अध्ययनका लागि आएका नेपाल दाङ जिल्ला, तुल्सीपूर घर भएका खिम बुढामगरको असामयिक नि’ धन भएको हो ।

जापानी भाषा अध्ययनरत खिम,आफु बस्ने गरेको होस्टेलमा मृ’ त अवस्थामा भेटिएको एनआरएनए जापान ओकिनावा क्षेत्रीय समितिका संयोजक ज्ञानु भट्टले जानकारी दिनुभयो । घटनाको प्रकृति हेर्दा बुढामगरले आफैँले आफ्नो ज्यान लिएको देखिएको छ ।संयोजक भट्टका अनुसार प्रहरीले घटनाको छानबिनका लागि शव नियन्त्रणमा लिएको छ ।

अनुसन्धान पछि निधनको कारण र अन्य तथ्यहरु थाहा हुने प्रहरिले बताएको छ ।खिम बुढामगरको असामयिक नि’ धनको बारेमा नेपालमा परिवारलाई जानकारी गराईएको र परिवारको सल्लाहमा प्रहरिले अनुसन्धान सकेर श’ व बुझाएपछि दाहसस्कार लगायतको प्रकृया अघि बढाइने एनआरएनए जापान ओकिनावा क्षेत्रीय समितिका संयोजक ज्ञानु भट्टले जानकारी दिनुभयो ।

यो पनि – जापानको ओसाकामा बस्दै आएकी आरती खनालको खोजी कार्यमा सहयोग गर्न उनका परिवारले अपिल गरेसंगै खोजी कार्य तिब्र पारिएको छ। सोही अनुसार जापानीज प्रहरी लगाएत जापानमा रहेको नेपाली राजदूताबास एवं नेपाली संघ संस्थाले आ-आफ्नो कृपाशिलता बढाएका छन्।

जापनीज प्रहरीले हराई रहेकी आरतीको वायोडाटा, फोटो सहितको विवरण सार्वजनिक गरेको छ। केही हप्तादेखि हराईरहेकी नेपाली चेली जसको सम्पूर्ण बिबरण जापान प्रहरीले सार्वजनिक गरेको छ । सबैको फेसबुकको भित्ता – भित्तामा तथा सामाजिक सञ्जालमा पुर्याउ ,कसैले कतै देख्न सक्छन एनआरएनए आईसिसि सदस्य दिपक कार्कीले भने।

आरती खनाल विद्यार्थी भिषामा १० महिना अगाडी मात्रै जापान आएकी थिइन। उनी जापानको ओशाका सिटिको इकोनो कु कातासुया किता १- ३ – २ मा रहदैं आएको बताईएको छ। २३ वर्षीय आरतीको स्थायी घर चितवनको भरतपुर महानगरपालिका वर्डा नं १२ हो ।

उनका बुवा देवराज खनाल र आमा राधिका खनालले आफ्नी छोरीको बारेमा जानकारी हुना साथ खबर गर्न अनुरोध गरेका छन् । उनीहरुलाई नेपालमा ९८११२४१९१२ र ९८२५२६६४८९ मा सम्पर्क गर्न सकिने छ। आरतीको खोजी कार्यमा एनआरएनए जापान जानकारी पाएदेखि कृयाशिल रहेको छ।

सबैतिर सूचनाको आदान- प्रदान भई रहेकोछ एनआरएनए जापानकी संगीता अधिकारीले भनिन-यस अघि जाईरो कार्ड हराएर, जाईर्यो कार्ड बनाउन गएकी र त्यसपछि आरती हराएकी भन्ने सत्य नभएको बताइएको छ। आरतीले साईकल लिएर गएको दृश्य पनि सिसि क्यामेराबाट प्रहरीले पाएको र अनुसन्धान तिब्र पारिएको उपाध्यक्ष अधिकारीले बताईन।

पछिल्लो जानकारी अनुसार हराई रहेकी आरतीसंगै उनीहरुका साथीहरु मार्च १६ तारिक आफ्नो कोठामा नभएको र १७ तारिक सबै आफ्नो – आफ्नो कोठामा फर्किदा आरती पहिलानै कोठामा पुगिसकेकी र पछि आरतीले काम छ भन्दैं बिहानै कोठाबाट निस्किएकी आरतीको साथीहरुले बताएका छन ।

सबै कुरा त्यसै भन्न नमिल्ने हुदाँ सत्य तथ्य संगै छिट्टैं पत्रकार सम्मेलन गरि जानकारी दिने उनले बताइन। मार्च १६ तारिक ओसाकाको नाम्बाको पुलमुनि भएको सांगीतिक कार्यक्रममा राति करिव १० बजे आरती लगाएत नेपालीहरु सहभागी भएका र कोठामा जाने ट्रेन नभएको कारण सबै त्यतै बसेको खुल्न आएको अधिकारीले बताईन ।

आरती भेटिएकी, पुलिसमा भएकी भन्ने हल्ला मात्र हो, अहिलेसम्म आरती भेटिएकी छैनन् उनले भनिन । जापानमा रहेको नेपाली दूताबास लगाएत बिभिन्न नेपालीका संघ – संस्थाहरुसंग समन्वय गरेर खोजी कार्य भई रहेको छ। आरती पढ्ने कलेज, प्रहरी , आरतीका नजिकका साथीहरु सबैसंग दिनकै धेरै पटक सम्पर्क गरि खोजि गर्ने काम भई रहेको छ उनलेले बताईन ।

त्यस्तै चितवन समाज जापानका अध्यक्ष राजनकुमार श्रेष्ठले पनि सबै तिर समन्नय गरि खोलतलास भई रहेको बताएका छन । यस्तो समस्या बिदेशमा जो कोहीलाई पनि आउन सक्छ , एकजुट भएर समस्याको समाधान गर्न पर्छ । त्यस्तै ओसाकामा रहेको चितवन समाज क्षेत्रीय समिति पनि खोजी कार्यमा कृयाशिल रहेको छ ।पहिल्लो तथ्याङ्ग अनुसार जापानमा नेपालीहरुको संख्या १ लाख ३० हजार नाघेको छ।