रामेछापमा जिप दुर्घटना, चालकको मृत्यु

रामेछाप । रामेछापको खाँडादेवी गाउँपालिकाको राकाथुममा जिप दुर्घटना भएको छ । दुर्घटनामा परी चालकको मृत्यु भएको छ भने ७ जना घाइते भएका छन् ।

बा १६ च ३२२५ नम्बरको उक्त जीप खाँडादेवी-७ को ताल्दुमबाट काठमाडौंतर्फ जाँदै गर्दा शनिबार अपरान्ह दुर्घटना भएको हो । मृत्यु हुनेमा चालक कालुमान तामाङ रहेका छन् भने ७ यात्रु घाइते भएको जिल्ला प्रहरी कार्यालय रामेछापले जनाएको छ ।

प्रहरीका अनुसार घाइतेहरूको धुलिखेल अस्पताल उपचार भइरहेको छ । खाँडादेवीका रुपसिं तामाङ, सुष्मा तामाङ, नेस्नल तामाङ, सविना तामाङ, क्वीन तामाङ, दिनेश श्रेष्ठ र जापानी नागरिक सातो काजुभि घाइते भएका छन् ।