अभिनेता एवं मोडल पल शाह एक वर्षभन्दा लामो समयको अन्तरालपछि अभिनयमा कमब्याक गर्दैछन् ।म्युजिक भिडियोबाट अभिनयमा फर्किने उनको तयारी छ । एक वर्षअघिको चर्चित गीत ‘तिमीलाई हेर्ने बानी पर्यो’को फिमेल भर्सनबाट उनले ‘कमब्याक’ गर्ने तयारी गरेका हुन् ।
उनले उक्त गीतको रेकर्डिङ समेत गराइसकेका छन् । ‘लजालु मायालु’, ‘ए होर माया’ जस्ता हिट गीतकी गायिका अनु चौधरीको स्वरमा पलले उक्त गीत रेकर्डिङ गराएका हुन् । पुष्पन प्रधानको शब्द, संगीत र स्वरमा पलले उक्त गीत एक वर्षअघि आफ्नै अफिसियल युट्युब च्यानलबाट सार्वजनिक गरेका थिए ।
उनकै निर्देशन रहेको गीतको भिडियोले युट्युबमा राम्रो भ्युज पाएको छ । फिमेल भर्सन पनि आफ्नै निर्देशनमा तयार गर्ने र आफ्नै युट्युबमार्फत सार्वजनिक गर्दै कमब्याक गर्ने पलको तयारी छ । उक्त गीतको म्युजिक भिडियो सार्वजनिक भएपछि मात्रै पलले अन्य कामहरू गर्नेछन् ।उनलाई म्युजिक भिडियो र फिल्म खेलाउन चाहनेहरू यतिबेला धेरै देखिएका छन् ।
यो पनि – फिल्म ‘कामिनो’मा वर्षा सिवाकोटीले अभिनय गर्ने भएकी छन् । प्रदीप खड्कालालाई मुख्य भूमिकामा लिएर बनाउन लागेको फिल्म ‘कामिनो’का लागि सिवाकोटीले अभिनय गर्ने बताइएको छ ।मंगलबार वर्षाले आफ्नो फेसबुकमा निर्देशक वली, कार्यकारी निर्माता
सुनिल विष्ट गौली र सञ्चार संयोजक लक्ष्मण सुवेदीसँगको एक तस्बिर साझेदार गर्दै ‘भेटघाट’ भनेर क्याप्सन लेखेकी छन् ।केही दिनमा कागजी सम्झौता हुने बताइएको छ । विवाहपछि उनले गर्ने नया फिल्म भनेको नै ‘कामिनो’ रहने छ । वर्षाले लेखक महेश दवाडीबाट स्क्रिप्ट समेत सुनिसकेकी छन् ।
फिल्मको पटकथा तथा संवाद महेश दवाडीले तयार पारेका हुन् । सौरभ लामाको छायांकन, एसडि योगी र एलिस कार्कीको संगीत, सम्राट बस्नेतको द्वन्द्व निर्देशन रहने ‘कामिनो’को स्क्रिप्ट लेखनमा लेखक दवाडीलाई कुञ्जन भट्टराईले सघाएका छन् ।फिल्म नेपाली, हिन्दी, अंग्रेजी र स्पेनिस भाषामा रिलिज हुनेछ ।
स्पेनिस भाषामा ‘कामिनो’को अर्थ बाटो हुन्छ । आगामी चैत्र तेश्रो साताबाट फिल्मको छायाकंन हुने छ ।फिल्मकै लाग ि प्रदीपले भारतको मुम्बईस्थित नासिक ताम्रकेश्वर मन्दिरमा ग्रहशान्तिको पूजाआजा गरेका हुन् । ‘क्यामिनो’को औपचारिक घोषणाअघि उनले ग्रहशान्तिको पूजाआजा गरेको जानकारी गराएका हुन् ।
इन्स्टाग्राममार्फत तस्वीर सेयर गर्दै उनले यो फिल्मका लागि आफूलाई पहिलेजस्तै साथ दिन सबैलाई आग्रह गरेका छन् । उनले भनेका छन् ‘भाग्य र मेहनत दुवै एकसाथ अघि बढ्छन् । यो भाग्यका लागि थियो भने अर्को चाहिं कडा मेहनतमा निर्भर हुनेछ ।
