प्रेमिल मूडमा देखिए अभिनेता दयाहाङ र प्रकृती (भिडियो)

बैशाखको १ गतेबाट रिलिज हुन लागेको फिल्म ‘बिहे पास’को पहिलो गीत ‘खाली छैन मेरो मुटु’ सार्वजनिक भएको छ ।

अस्तित्भा कर्ण र बिद्या मञ्जु तिवारीको स्वर, प्रवेश मल्लिकको संगीत र डिपी खनालले शब्द रहेको यो गीतको भिडियोमा रामजी लामीछानेको कोरियोग्राफी छ । यो गीतको भिडियोमा फिल्मका मुख्य कलाकारहरु दयाहाङ राई र प्रकृती श्रेष्ठको प्रेमभाव देख्न सकिन्छ ।

प्रबेश पौडेलको निर्देशनमा तयार भएको यो फिल्ममा श्याम राई, बिशाल पहाडी, सुवास गजुरेल, हिउँवाला गौतम, रुषा न्यौपाने, नवीन शेरचन, उमा बानियाँ र प्रकाश भुजेलको समेत अभिनय छ । यो फिल्मको टिजरलाई दर्शकले मन पराइसकेका छन् ।

पूर्वी नेपालका बिभिन्न रमणीय स्थलमा खिचिएको फिल्मको प्रस्तुतकर्ता रोहित कट्टेल र कार्यकारी निर्माता रत्न श्रेष्ठ हुन् । शिब ढकालको छायांकन रहेको फिल्ममा मित्र गुरुङको सम्पादन छ । मर्रे केर, आकाश बराल र सजन काफ्लेको संयुक्त कथा रहेको फिल्मको पटकथा भने आकाश र सजनले लेखेका हुन् ।

रोजन श्रेष्ठ निर्माता, ग्याल्जेन लामा र बालकृष्ण पाख्रिन सह–निर्माता रहेको फिल्म दर्शकलाई नयाँ बर्ष २०८० को उपहार स्वरुप पस्कन लागीएको दावी निर्देशक प्रबेशको छ ।