जापानमा काण्ड मच्चाउने ३ नेपाली र २ कर्मचारी पक्राउ, ३० जनालाई भिषा खारेज गरेर फर्काउने तयारी

जापान । जापानको ओसाका प्रिफेक्चरमा भिषामा तोकिएको क्षेत्र भन्दा बाहिर बर्षौंदेखि काम गर्दै आएको पाइएका तीन जना नेपाली पक्राउ परेका छन् ।तीन जना नेपालीलाई यसअघिनै पक्राउ गरिएपनि हालै अध्यागमन नियन्त्रण ऐन (अवैध रोजगारीलाई बढावा दिने) उल्लङ्घन गरेको आशंकामा

ओसाका प्रिफेक्चरको ओसाका शहरको एक कर्मचारी एजेन्सीका ६० वर्षीय पुरुष र उनका मातहतका ७१ वर्षीय पुरुषलाई आतामी कार्यालयले पक्राउ गरेपछि घटनाबारे विस्तृत खुलासा गरेको हो ।तोकिएको क्षेत्र बाहिर काम लगाउने कम्पनी र एजेन्सी कर्मचारीहरुले हालसम्म करोडौं येन नाफा कमाएको प्रहरीको विश्वास छ र पूर्ण रुपमा अनुसन्धान अगाडि बढिरहेको प्रहरीले बताएको छ ।

पक्राउ परेकाहरुको परिचय खुलाइएको छैन तर उनिहरुले केही अघि मात्र विद्यार्थीबाट भिषा परिवर्तन गरि कम्पनी प्रवेश गरेको बताईएको छ ।कर्मचारी एजेन्सीले पक्राउ परेका तीन जना नेपालीलाई सन् २०२० देखि पूर्वी शिजुओखा प्रान्तको एउटा सुपरमार्केटमा पठाएको र उनीहरूको बसोबासको स्थितिले अनुमति नभएको ‘साधारण काम’मा संलग्न गराउँदै आएको पाइएको छ ।

प्रहरीका अनुसार उनीहरु तीनैजना पुरुष व्यापारीको आफन्तले सञ्चालित कम्पनीमा काम गर्थे । उनिहरुको भिषा भने दोभाषे तथा डिजाइनरका लागि ‘इन्जिनियररमानविकीरअन्तर्राष्ट्रिय सेवामा विशेषज्ञ’ रुपमा आवेदन दिएका थिए । पक्राउ परेकाहरुले आफुहरुले सुपरमार्केटमा मात्र काम गरेको स्विकारेका छन् ।

नागोया अध्यागमन ब्यूरोको एक रिपोर्ट अनुसार मार्च २०२२ मा अध्यागमन नियन्त्रण ऐन (अनधिकृत गतिविधि) उल्लङ्घन गरेको आरोपमा प्रहरीले ति पुरुष र महिला सहित तीन नेपालीलाई पक्राउ गरेको थियो । झुटा कागजात पेश गरेर भिषा लिएको मुद्दामा उनिहरुलाई यसअघि नै दोषी ठहर गरिसकिएको बताइएको छ ।

थप रूपमा, यस कम्पनीले पठाएको ३० भन्दा बढी विदेशीहरूलाई अनाधिकृत गतिविधिहरूमा काम लगाएको पुष्टि अध्यगमनले गरेको बताईएको छ । यद्यपी पक्राउ परेका ३० जनामा नेपाली रहेको भएपनि कुन देशका कतिजना भन्ने केही खुलाइएको छैन ।

उनीहरूको जापानको आवासको स्थिति खारेज गरेर उनीहरूलाई जबरजस्ती देश निकाला गरिने बताईएको छ ।प्रहरीका अनुसार यस कम्पनीले विगतमा विदेशीलाई दोभासेका रूपमा होटल तथा अन्य ठाउँमा पठाउने गरेको भए पनि कोरोना सङ्कटका कारण रोजगारीको सङ्ख्या ह्वात्तै घटेको र जापानी भाषा पढेर पनि रोजगारी पाउन नसक्ने नेपालीहरु रहेका छन् ।

उक्त कम्पनीले विद्यालय वा व्यावसायिक विद्यालय अध्ययन गरेकाहरुलाई अधिकांश रोजगारमा राखेको थियो ।जापानमा एक महिनाको पार्ट टाइम जागिरको तलब नेपालको वार्षिक आम्दानी बराबर हुने भएकाले उनिहरुले योग्यताविना तोकिएको क्षेत्र बाहिरको काम गर्न थालेको बताएको समाचारमा जनाइएको छ ।

आतामी कार्यालयका सञ्चालकले झुटो निवेदन दिएर सहयोग गरेको र अस्थायी कर्मचारी व्यवसायमा रहेका व्यक्तिले पैसाको व्यवस्थापन गरी करोडौं येन कमाएको प्रहरीको विश्वास छ । प्रहरी र अध्यागमन कार्यालयले पूरै घटनाबारे प्रष्ट पार्ने काम भइरहेको जनाएको छ ।