गायिका रचना रिमालले होली गीत सार्वजनिक गरेकी छिन् ।
यी गायिकाले शनिवार आफ्नो अफिसियल युट्युब च्यानलमार्फत ‘आयो ह्याप्पी होली’ बोलको गीत ल्याएकी हुन् ।
गीतमा रचना र बाबुल गिरीको युगल स्वर छ । बाबुलले नै गीतको शब्द, संगीत सिर्जना गरेका हुन् ।
स्टेज कार्यक्रममा सर्वाधिक डिमाण्डेडमध्येकी गायिका रचनाले व्यस्तताकै बाबजुद पनि रमाइलो होली गीत ल्याएकी हुन् ।
एक दिनमा यस गीतको अडियो र भिडियो तयार पारिएको उनले बताएकी छिन् ।
संगीत सागर बुर्जाको निर्देशन, मेफुज अन्सारीको छायाँकन, विश्वास भण्डारीको सम्पादन भिडियोमा हेर्न सकिन्छ ।
रचना, बाबुलसँगै अन्य कलाकारहरू भिडियोमा प्रस्तुत छन् ।
रचनाले बद्री पंगेनीसँग गाएको ‘पैसा सापटी’ बोलको गीत यतिबेला चर्चामै छ ।
भिडियो :
