काठमाडौँ । छोटो समयमै लोभलाग्दो सफलता हात पारेकी गायिका हुन् एलिना चौहान । ४ दर्जन बढी गीतमा स्वर दिइसकेकी एलिनाका ‘मिनिरल वाटर’, ‘कुरा काट्ने मान्छेले काटुन’, ‘छेकेर माया छेकिन्न’, ‘मेरो परान’ लगायतका गीत चर्चित छन् । यसैबीच गायिका एलिना चौहानले अर्की गायिका समिक्षा अधिकारीको तारिफ गर्दै हिम्मतिली भनेकी छिन् ।
उनले राम्रो फूल पनि हिलोमा फुल्ने भन्दै समिक्षाको तारिफ गर्दै तिम्रो समय नराम्रो चलेका कारण तिमी समस्या पर्यौ तर तिमी आँफैमा नराम्रो मान्छे नभएको बताइन् । एक टेलिभिजन अन्तरवार्ताका क्रममा गायिका चौहानर्ले समिक्षालाई हिम्मत नहान ढाडस दिँदै उ फेरी उठेर हिँड्न सक्ने मान्छे भएको बताइन् ।
समिक्षाले हरेक दिन सामाजिक संजालमा तस्विर पोष्ट गर्ने विषयमा सोधिएको प्रश्नको उत्तर दिँदै पल शाह र समिक्षा दुवैको समय नराम्रो चलेका बताइन् । गायिका एलिनाको गीत ‘धोकेबाज हौ तिमी..’ पछिल्लो समय मेला–महोत्सवमा निकै प्राथमिकतामा परिरहेको छ । दर्शकमात्र होइन, आयोजक पनि यही गीतका कारण उनलाई रोज्ने थालेका छन् ।
कुनै महोत्सवमा उनले यो गीत गाउने भनियो भने विशेष गरी मावि तहका किशोर किशोरीको भीड लाग्ने र महोत्सव भरिभराउ हुने आयोजकहरू बताउँछन् । गीतले प्रेमकथा बोल्ने भएकोले पनि प्राथमिकतामा पर्ने गरेको उनले बताइन् ।
