‘ए हो र माया’ गित सुपरहिट भएसँगै बिमल अधिकारीको ‘ए मेरी सकुन्तला’ बजारमा

‘ए हो र माया’ सुपरहिट भएसँगै भावना म्युजिक सोलुशनको प्रस्तुतिमा रहेको बिमल अधिकारीको पछिल्लो गीत ‘ए मेरी सकुन्तला’ डिजिटल बजारमा सार्वजनिक भएको छ । विमलले आसामी गीत ‘सकुन्तला’को नेपाली भर्सन सार्वजनिक गरेका हुन् । यस गीतमा चर्चित आसामी गायक नील आकाशले स्वर दिएका छन् । यस गीतले पनि टिकटकमा उत्तिकै राम्रो स्थान ओगट्न सफल भएको छ । ‘पाँच दिनमा ५ लाख भन्दा बढीले टिकटक बनाउनुभएको छ, २ लाख भन्दा बढी दर्शकले युट्युबमा हेरिसकेको छन् ।

मायालु जोडीबीचको प्रेम भावले सजिएको यस गीतमा विमल अधिकारी र अञ्जली अधिकारीको अभिनय रहेको छ । उक्त गीतमा बिमल अधिकारीको शब्द तथा उज्ज्वल आरोङको संगीत रहेको छ । म्यूजिक भिडियोलाई भावना म्युजिक सोलुसनको युट्युव च्यानलबाट गीत सार्वजनिक गरिएको छ ।