काठमाडाैँ – पोखरामा यती एयरलाइन्सको विमान दुर्घटना भएको छ। काठमाडौँबाट बिहान १०ः३३ बजे पोखराका लागि उडेको यती एयरलाइन्सको एटीआर-७२ विमान दुर्घटना भएको हो।
उक्त दुर्घटना स्थलमा मेडिकल टिम पुगेकाे छ। हालसम्म चार जना चालक दलका सदस्य र ६८ यात्रु बाेकेकाे उक्त विमान दुर्घटनास्थलबाट १६ जनाकाे शव निकालिएकाे छ।
यति एयरलाइन्सका प्रवक्ता सुदर्शन बर्तौलाका अनुसार विमानमा दुई पाइलट, दुई जना एयर होस्टेस र ६८ जना यात्रु सवार थिए। उनका अनुसार अवतरण गर्ने क्रममा पुरानो र नयाँ विमानस्थलको बीचमा ९एन–एएनसी एटीआर-७२ विमान सेती नदी किनारमा दुर्घटना भएको हो।
साथै, त्रिभुवन अन्तर्राष्ट्रिय विमानस्थलमा दुईवटा हेलीकोप्टर स्ट्याण्डवाई रहेका छन्। वीरेन्द्र अस्पताल छाउनीमा मेडिकल टिम स्ट्याण्डवाई रहेका छन्।
