काठमाडौं । अभिनेत्री श्वेता खड्का आमा बनेकी छिन् । उनलाई पुत्रीलाभ भएको हो ।
जानकारी अनुसार मंगलबार अपरान्ह उनले छोरीलाई जन्म दिएकी हुन् । ग्रान्डी सिटी अस्पतालमा उनले पहिलो सन्तानलाई जन्म दिएको पारिवारिक स्रोतले पुष्टि गरेको छ ।
उनको दुई वर्षअघि धनगढीका विजयेन्द्र सिंह रावतसँग दोश्रो विवाह भएको थियो । झण्डै महिना दिन पहिले उनका बेबी बम्प तस्विर भाइरल भएका थिए । उनी कात्तिकमा आमा बन्ने धेरैको अनुमान थियो ।
केही साताअघि श्वेताले आफू केही वर्ष आमाको भूमिकामा व्यस्त हुने बताएकी थिइन् ।
श्रीमती गर्भवती भएपछि व्यावसायिक काम पति विजयन्द्रले हेर्दै आएका छन् । केही वर्षपछि फिल्म निर्माणमा फर्कने श्वेताको तयारी छ । उनले नारी कथावस्तुमा फिल्म निर्माण गर्न चाहेको पनि बताइन् ।
