पाँचखाल महोत्सव भोली १४ गतेको मुख्य आकर्षणहरु

काभ्रे/ पाँचखाल तेस्रो महोत्सव २०७९ निरन्तर संचालनमा रहेको छ। दैनिक राष्ट्रिय तथा स्थानीय कलाकारहरुको बेजोड प्रस्तुती रहिरहेको छ।
आज चर्चित गायिका रचना रिमाल,गायकहरु भोजराज काफ्ले, मदन बिष्ट,एरिक बिश्वकर्मा र साथमा स्थानीय कलाकरहरुको बेजोड प्रस्तुति रहको थियो ।

युवा पुस्ताले धेरै मन पराउने गायिका रचना रिमाल आफ्नो दमदार प्रस्तुति दिँदा दर्शकले मनोरञ्जन लिइरहेका थिए ।गायिका रिमालले बुढाबुढी युवा पुस्ता सबैलाई मिल्ने खालको गितहरु पनि प्रस्तुत गरेकी थिइन ।

भोलि १४ गते महोत्सवमा दिन राष्ट्रिय कलाकारहरु चर्चित लोकदोहोरी गायिका राधिका हमाल,गायकहरु महेश काफ्ले, आयुष प्रतिक अधिकारी र साथमा स्थानीय कलाकरहरुको बेजोड प्रस्तुति रहने आयोजक टिमले जानकारी दिएका छ्न ।

महोत्सवमा टिकट शुल्क सर्वसाधारणका लागि रु ६०/- र विद्यार्थी सहुलियत दर रु ४०/-जेष्ठ नागरिक तथा अपाङ्गता भएका ब्यक्तिलाई नि:शुल्क प्रबेशको व्यबस्था रहेको छ तर परिचय पत्र अनिवार्य रुपमा लिएर आउनुपर्ने छ।