काभ्रे /पाँचखाल नगरपालिका वडा नं. ४ स्थित लामीडाँडाको खेलमैदानमा फुटबल प्रतियोगिता मंगलबार सम्पन्न भएको छ ।
लामीडाँडा युवा क्लबको आयोजनामा सञ्चालित नगर स्तरीय खुल्ला फुटबल प्रतियोगिता नगर प्रमुख महेश खरेल ज्युको प्रमुख आतिथ्यता विशिस्ट अतिथि पाँचखाल नगरका उप-प्रमुख सुर्यमाया दनुवार ज्युको उपस्तिथि वडाअध्यक्षहरु सुन्दर लामा,ज्ञान बहादुर दनुवार,संजय लामा,अग्रज समाजसेवी व्यक्तिहरुको उपस्तिथीमा सम्पन्न भएको छ ।
उक्त प्रतियोगिताका प्रथम विजेताले रु. ५०,००० हजार नगद,दोस्रो विजेताले रु. ३०,००० र तेस्रो विजेताले रु २०,००० हजार प्राप्त गर्नु भएको छ । प्रथम नौलेगाउँ युथ क्लब ,दोस्रो बोटगाउँ युथ क्लब र तेस्रो याङला फुटबल क्लब भएको छ ।विजेता खेलाडीहरुलाई सिल्ड मेडल र प्रमाणपत्र दिएर सम्मान गरेका छन् । नगर स्तरीय खुल्ला फुटबल प्रतियोगितामा १२ टिम सहभागिता रहेको क्लब संयोजक आकाश गोपाल धौभडेलले जानकारी दिएका छन् ।
यस प्रतियोगिताको दोस्रो विजेतालाई रु ३०,००० नगद दिनुहुने समाजसेवी हरि ठकुरी ज्यु र तेस्रो विजेतालाई रु २०,००० नगद दिनुहुने दिल बहादुर श्रेष्ठज्यु लाई क्लबलाई सहयोग गरेबापत आयोजक टिमले धन्यवादज्ञापन दिनु भएको छ ।
समापन कार्यक्रमलाई संवोधन गर्दै लामीडाँडा क्लबको अध्यक्ष विकाश लामाले खेल र खेलाडीप्रति संवेदनशील रहेको बताएका छन् ।नगर स्तरीय खुल्ला फुटबल प्रतियोगिता २०७९ व्यवस्थित मर्यादित सफल रुपमा सम्पन्न गर्न सहयोग गर्नु हुने सहयोगी हातहरुको उच्च मुल्यांकन गर्दै यस क्लबको पहिलो कार्यक्रम रहेको हुदा आगामी दिनहरुमा पनि यसरी विभिन्न कार्यक्रम तथा प्रतियोगितामा पाँचखाल नगर र अन्य संघ संस्थाको पनि साथ सहयोग अपेक्षा गरेको आयोजक टिमले जानकारी दिएका छन् ।
लामीडाँडा युवा क्लबको आयोजनामा नगर स्तरीय खुल्ला फुटबल प्रतियोगिताको (फोटोफिचर)
