काभ्रे पाँचखालमा असोज ३ देखि १६ गतेसम्म महोत्सव हुने

काभ्रे/ पाँचखाल। पाँचखाल युनाइटेड फुटबल एसोसिएसन(पुफा)को आयोजनामा “खेलकुद विकास युवाको अभियान कृषि संस्कृति र पर्यटन प्रवर्द्धन पाँचखाल महोत्सवको पहिचान” मूल नाराका साथ पाँचखाल तेस्रो महोत्सव २०७९ हुने भएको छ ।पुफाले २०७९ असोज ०३ गते देखि असोज असोज १६ गते सम्म महोत्सवको आयोजना गर्ने भएको छ ।

पाँचखाल को धार्मिक तथा पर्यटन एवम् कृषि क्षेत्रको झझल्को दिने गरि महोत्सव हुने भएको छ ।पाँचखाल नगरपालिका,वडाहरु पाँचखालमा रहेको विभिन्न संघ संस्थाहरुमा यस महोत्सव सम्पन्न गर्नका लागि साथ सहयोगको अपेक्षा गरिएको छ ।

यस महोत्सवमा ६० हजार दर्शक भित्राउने लक्ष्य रहेको र करिब ३० लाख लागत खर्चको अनुमान रहेको पुफाको संयोजक गणेश प्रसाद काफ्ले ले बताउनु भएको छ ।

पुफाका अध्यक्ष मिलन श्रेष्ठका अनुसार पाँचखाल नगर कृषि शहर भएकोले कृषिका लागि स्टलहरु नि:शुल्क उपलब्ध गराउने र यस महोत्सबमा राष्ट्रिय तथा स्थानीय कलाकारहरुको प्रस्तुतिका साथै पाँचखाल अर्गानिक कृषि प्रदर्शनी स्थानीय खानाका परिकार,संस्कृति र पर्यटन प्रबर्द्धन, बाल मनोरञ्जनात्मक गतिविधिहरु दैनिक रुप मा प्रस्तुत हुने जानकारी दिनु भएको छ ।