काठमाडौं । काठमाडौंको थापागाउँमा बस तोडफोड भएको छ । बिहान ७ बजे थापागाँउको पाठशाला स्कुल नजिक नेपाल यातायातको बा ४ ख ९०१९ नम्बरका गाडी तोडफोड भएको हो । बन्दको अवज्ञा गरेको भन्दै अज्ञात समूहले बस तोडफोड गरेर भागेको प्रहरीले जनाएको छ ।
यसअघि सरकारसँग भएको आफ्ना कार्यकर्तामाथिको मुद्दा फिर्ता लगायत सहमति पालना गर्न माग गर्दै नेपाल कम्युनिस्ट पार्टीका अध्यक्ष विप्लव, ऋषि कट्टेल नेतृत्वको नेपाल कम्युनिस्ट पाटीका अध्यक्ष ऋषि कट्टेल, वैज्ञानिक समाजवादी कम्युनिस्ट पार्टी नेपालका आहुती र नेकपा माओवादी समाजवादीका महासचिव कर्णजितले नेपाल बन्दको आह्वान गरेका हुन् ।
