काठमाडाैं । गतरातीदेखि परेकाे अविरल वर्षाका कारण अरनिकाे राजमार्ग अन्तर्गत बनेपाकाे पुलबजार जलमग्न बनेकाे छ । पुण्यमाता र चण्डेश्वरी खोलामा आएको बाढीका कारण पुलबजार क्षेत्र जलमग्न भएकाे हाे ।
निषेधाज्ञाका कारण सार्वजनिक सवारी साधान नचलेकाे भएपनि निजी क्षेत्रका साना सवारी साधन सञ्चालनमा सामान्य अवराेध भएकाे स्थानीयले बताएका छन् ।
अरनिकाे राजमार्ग जलमग्न भएपछि त्यस क्षेत्रमा रहेका तरकारी बजारमासमेत पानी पसेकाे स्थानीयले बताएका छन् । हाल तरकारी पसल सञ्चालनमा नरहेकाले क्षति भने नभएकाे उनीहरूकाे भनाइ छ ।
