फेरि घट्यो सुनको मूल्य, तोलाको कति पुग्यो ?

काठमाडौं – बुधबार पनि नेपाली बजारमा सुनको मूल्य घटेको छ । मंगलबार एक सय रुपैयाले घटेको सुनको मूल्य आज तोलामा ७ सय रुपैयाले घटेको हो ।

मंगलबार तोलाको ९१ हजार २ सय रुपैयामा कारोबार भइरहेको छापावाल सुनको मूल्य आज घटेर ९० हजार ५ सय रुपैयामा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको मूल्य प्रतितोला ९० हजार रुपैयाँमा कारोबार भइरहेको थियो । त्यस्तै आज चाँदीको मूल्य तोलामा १० रुपैयाले घटेर तोलाको १३ सय ५ रुपैयाँमा कारोबार भइरहेको महासंघले जनाएको छ ।