कपिल शर्मा दोस्रो पटक बुवा बन्दै

काठमाडौं, भारतका चर्चित हास्यकलाकार कपिल शर्माको परिवारमा दोस्रो सन्तानको जन्म हुँदैछ । भारतीय सञ्चार माध्यम आजतकका अनुसार कपिलकी श्रीमती दोस्रो पटक गर्भवती छिन् र २०२१ जनवरीमा उनको ड्यू डेट छ । जानकारीका अनुसार कपिलकी आमा मुम्बई पुगिसकेकी छिन् र चाँडै नै उनको बाँकी परिवार पनि मुम्बई आउने तयारीमा छन् ।करवाचौथको दिन कपिलकी साथी भारती सिंह इन्स्टाग्राममा लाइभ आएकी थिइन् । लाइभ स्ट्रिमको अन्त्यमा केही बेरका लागि गिन्नी पनि देखिएकी थिइन् ।

त्यतिबेला उनको बेबी बम्प स्पष्ट रुपमा देखिएको थियो ।कपिल र गिन्नीको अनायरा नामकी छोरी पनि छिन् । अनायरा डिसेम्बरमा एक वर्ष हुँदैछिन् । अनायराको जन्म डिसेम्बर १० मा भएको थियो । १२ डिसेम्बरमा कपिल शर्मा र गिन्नी चतरथले आफ्नो विवाहको दोस्रो वर्षगाँठ मनाउँदै छन् ।