गायिका नेहा कक्कडको विवाहको मिति फाइनल

काठमाडौं – बलिउडकी चर्चित गायिका नेहा कक्कड अहिले आफ्नो विवाहको तयारीमा छिन्। दर्जनौ गीतहरु गाएर चर्चामा आएकी नेहा अहिले रोहनप्रित सिंहसँग प्रेममा छिन् । भारतिय मिडियाका अनुसार उनको विवाह हुने मिति पनि तय भइसकेको छ ।

इन्डियन आइडल प्रतिस्पर्धाको क्रममा आदित्य झासँग उनको नाम जोडेर चर्चामा आएकी नेहाले रोहनप्रितसँगको तस्बिर सार्वजनिक गर्दै सबैलाई अचम्ममा पारेकी छिन् । उनले तस्बिर संगै तिमी मेरो हो भन्दै लेखेकी छिन् ।

केहि महिनाअघि एक अर्कासँगको डेटको क्रममा पंजाबी गायक र अभिनेता सिंह र नेहाले विवाह गर्ने फैसला गरेको बताइएको छ ।

रोहनप्रीत रियलिटी शो राइजिंग स्टार २ का रनर-अप हुन् । उनी शो मुझसे शादी करोगेमा पनि देखा परेका थिए । नेहा र रोहनले दिल्लीमा आगामी अक्टोबर २४ मा विवाह गर्ने बताइएको छ ।

भारतकै चर्चित गायिका नेहाका इस्मे तेरा घाटा, मिले हो तुम हमको, काला चस्मा, आख मारे, कोकाकोला, नैना, गल्ली गल्ली, दिलवर दिलवर लगायतका गीतहरु निकै चर्चामा छन् ।