काठमाडौं । पछिल्लो २४ घण्टामा काठमाडौं उपत्यकामा थप ५१२ जनामा कोरोना भाइरस संक्रमण पुष्टि भएको छ। विभिन्न प्रयोगशालामा गरिएको परीक्षणमा उपत्यकामा थप ५१२ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार काठमाडौंका ४४० जना, भक्तपुरका ४३ जना र ललितपुरका २९ जनामा कोरोना भाइरस संक्रमण पुष्टि भएको छ।
काठमाडौंका १४१ जना महिला, २९९ जना पुरुष, ललितपुरका ११ जना महिला, १८ जना पुरुष र भक्तपुरका २८ जना महिला, १५ जना पुरुष रहेका छन् ।
आइतबार उपत्यकामा ५९७ जनामा कोरोना पुष्टि भएको थियो।
