हेटौंडा उपमहानगरपालिका वडा नम्बर–३ तिनताप्केमा अटो र ट्रक ठोक्किदा २ जनाको मृत्यु भएको छ । बसामाडिबाट नेवारपानीतर्फ जाँदै गरेको ना ६ख १६११ नम्बरको ट्रकमा भित्रि रोडबाट राजमार्ग तर्फ आउँदै गरेको ना २ ह ३४६५ नम्बरको अटो ठक्कर खाँदा दुईजनाको मृत्यु भएको हो ।
दुर्घटनामा घाइते भएकाहरुलाई उपचारका लागि हेटौंडाको चुरेहिल अस्पताल ल्याएपछी डाक्टरले मृत घोषणा गरेको जिल्ला प्रहरी कार्यालय मकवानपुरका प्रहरी नायव उपरिक्षक इन्द्रबहादुर रानाले जानकारी दिए । दुर्घटनामा अर्का एक जना घाइते भएका छन् ।
मृतकको शव हेटौंडा अस्पतालको शव गृहमा रहेको प्रहरीले जनाएको छ । घाइते अटो चालक मनहरी गाउँपालिका वडा नम्बर ५ बसन्तपुर बस्ने ४७ बर्षीय ठुलोकान्छा खड्काको चुरेहिलमा उपचार भईरहेको छ । उनको शरीरको विभिन्न भागमा चोट रहेको प्रहरीको भनाई छ । थाहा टाइम्स
