काठमाडौं । निडर नेताका रूपमा चिनिने गिरिजाप्रसाद कोइरालाको आज बिहिबार जन्मोत्सव । १९८१ साल असार १८ गते भारतको बिहारमा जन्मेका गिरिजाप्रसादको २०६६ साल चैत ७ गते काठमाडौंमा निधन भएको थियो ।
२०४६ सालपछिको २० वर्षे नेपाली राजनीतिमा शीर्ष स्थान रहने एकमात्र नेताको रुपमा चिनिएका गिरिजाप्रसादको आज जन्मोत्सव परेको छ । उनको जन्मजयन्ती हरेक बर्ष नेपाली कांग्रेसले मनाउदै आएको छ ।
तर यस बर्ष भने कोरोनाभाइरसका कारण खास कार्यक्रम छैन । उनी नेपाली कांग्रेसले बहुमत ल्याएपछि २०४८ साल जेठ १५ गते पहिलो पटक नेपालको प्रधानमन्त्री बनेका थिए उनले २०६२–०६३ को आन्दोलनको नेतृत्व गरेका थिए ।
