काभ्रे/ पाँचखाल तेस्रो महोत्सव २०७९ निरन्तर संचालनमा रहेको छ। दैनिक राष्ट्रिय तथा स्थानीय कलाकारहरुको बेजोड प्रस्तुती रहिरहेको छ। भोलि ९ गते महोत्सवको सातौं दिन राष्ट्रिय कलाकारहरु चर्चित लोकदोहोरी गायिका कल्पना दाहाल, गायक रमेशराज भट्टराई ,बाल गायिका आयुषा गौतम र साथमा स्थानीय कलाकरहरुको बेजोड प्रस्तुति रहने आयोजक टिमले जानकारी दिएका छ्न ।
महोत्सवमा टिकट शुल्क सर्वसाधारणका लागि रु ६०/- र विद्यार्थी सहुलियत दर रु ४०/-जेष्ठ नागरिक तथा अपाङ्गता भएका ब्यक्तिलाई नि:शुल्क प्रबेशको व्यबस्था रहेको छ तर परिचय पत्र अनिवार्य रुपमा लिएर आउनुपर्ने छ।
